தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

பெல்மடுல்ல மற்றும் மோதர ஆகிய பகுதிகளில் நேற்று ஞாயிற்றுக்கிழமை பொலிஸார் மேற்கொண்ட சுற்றிவளைப்பின் போது ஹெரோயின் போதைபொருளுடன் இளைஞன் உட்பட இருவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்தது.

பெல்மடுல்ல பொலிஸ் பிரிவுக்குட்பட்ட பட்டலந்த பகுதியில் பொலிஸாரின் சோதனை நடவடிக்கைகளின் போது மூன்று கிராம் 40 மில்லி கிராம் ஹெரோயின் கைப்பற்றப்பட்டுள்ளது. இதன்போது பெல்மடுல்ல பகுதியைச் சேர்ந்த 25 வயதுடைய இளைஞன் ஒருவனே இவ்வாறு கைது செய்யப்பட்டுள்ளார்.

மொதர பொலிஸ் பிரிவுக்குட்பட்ட பகுதியில் பொலிஸாரின் சோதனை நடவடிக்கைகளின் போது 2 கிராம் 860 மில்லி கிராம் ஹெரோயினுடன் மேலும் சந்தேக நபரொருவர் கைது செய்யப்பட்டுள்ளார்.குறித்த பகுதியைச் சேர்ந்த 49வயதுடைய நபரொருவரே இவ்வாறு கைது செய்யப்பட்டுள்ளார்.

சந்தேக நபர்கள் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.