எவன்கார்ட் விடயம் தொடர்பில் நேற்று (23) கைதுசெய்யப்பட்ட எவன்கார்ட் கப்பலின் உக்ரைன் நாட்டு கேப்டனை ஜீலை 05 வரை விளக்கமறியலில் வைக்க காலி நீதவான் நீதிமன்றம் உத்தரவிட்டுள்ளது.

இன்று காலி நீதவான் நீதிமன்றத்தில் ஆஜர்படுத்திய போதே குறித்த உத்தரவு பிறப்பிக்கப்பட்டுள்ளது.

சட்டவிரோத ஆயுத கொள்வனவு குற்றத்தின் கீழ் குறித்த எவன்கார்ட் கப்பலின் உக்ரைன் நாட்டு கேப்டன் நேற்று இரவு 8 மணியளவில் காலி துறைமுகத்தில் வைத்து குற்றப்புலனாய்வு பிரிவினரால் கைதுசெய்யப்பட்டமை குறிப்பிடத்தக்கது.

குறித்த விடயம் தொடர்பில் மேலதிக விசாரணைகள் இடம்பெற்றுவருவதாக பொலிஸ் தலைமையகம் தெரிவித்துள்ளது.