கொரோனா வைரசினை கட்டுப்படுத்துவதற்காக அறிவிக்கப்பட்டுள்ள முடக்கல் நிலைக்கு எதிராக அமெரிக்காவின் பல பகுதிகளில் ஆர்ப்பாட்டங்கள் இடம்பெற்றுள்ளன.
டெக்சாஸ் மேரிலாண்ட் உட்பட பல பகுதிகளில் ஆர்ப்பாட்டங்கள் இடம்பெற்றுள்ளன.
டெக்சாஸ் தலைநகரில் நூற்றுக்கணக்கானவர்கள் ஒன்றாக கூடி கொடிகளை ஏந்தியபடி ஆர்ப்பாட்டங்களில் ஈடுபட்டுள்ளனர்.
பௌசியை நீக்குங்கள் என அவர்கள் கோசமிட்டுள்ளனர். அன்டொனி பௌசி கொரோனா வைரஸ் தொடர்பான வெள்ளை மாளிகையின் ஆலோசகர் என்பது குறிப்பிடத்தக்கது.
மேரிலாண்டில் கார்களிற்குள் இருந்த படி நகரத்தினை சுற்றிவந்து ஆர்ப்பாட்டக்காரர்கள் ஆர்ப்பாட்டங்களில் ஈடுபட்டுள்ளனர்.
மேரிலாண்டை மீள திறவுங்கள் என அவர்கள் கோசமிட்டுள்ளனர்.
கொலம்பசிலும் ஆர்ப்பாட்டங்கள் இடம்பெற்றுள்ளன, நாங்கள் ஆட்டு மந்தைகள் இல்லை என ஆர்ப்பாட்டக்காரர்கள் கோசமிட்டுள்ளனர்.
கொரோனா வைரசினை கட்டுப்படுத்துவதற்காக பரந்துபட்ட முடக்கல் நிலை காரணமாக பெருமளவு அமெரிக்க மக்கள் வேலைவாய்புகளை இழந்துள்ளனர்.
அடுத்த சில மாதங்களிற்கு மேல் தங்களின் சிறிய வர்த்தகம் தாக்குப்பிடிக்காது என பல அமெரிக்கர்கள் கவலையடைந்துள்ளனர்.
அதிகரிக்கும் பொருளாதார நெருக்கடிகள் குறித்தும் அவர்கள் கவலையடைந்துள்ளனர்.
எனினும் முடக்கலை உடனடியாக விலக்கவேண்டிய அவசியமில்லை என பெரும்பான்மையினர் கருதுவது கருத்துக்கணிப்புகளின் மூலம் புலனாகியுள்ளது.
கருத்துக்கணிப்பொன்றில் கலந்துகொண்ட மூன்றில் இரண்டுபேர் மாநில அரசாங்கங்கள் விரைவாக முடக்கல் நிலையை தளர்த்தலாம் என்பது குறித்து அச்சம் வெளியிட்டுள்ளனர்.
குடியரசுக்கட்சியின் மத்தியில் இது குறித்து குழப்ப நிலை காணப்படுகின்றது, கட்சியின் 51வீதமான ஆதரவாளர்கள் முடக்கல் நிலை விரைவில் அகற்றப்படலாம் என அச்சம் வெளியிட்டுள்ளனர்.
இதேவேளை வலதுசாரி ஊடகங்களும் அமெரிக்க ஜனாதிபதியும் ஆர்ப்பாட்டங்களை தூண்டும் விதத்தில் செயற்பட்டு வருகின்றமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM