தவறவிடாதீர்கள்..!உடனே பதிவு செய்யுங்கள்

கொரோனா வைரஸ் பரவலை கட்டுப்படுத்த பிலிப்பைன்ஸ் போராடி வரும் நிலையில், அந் நாட்டு மருத்துவ ஊழியர்களுக்கு வேறு நாடுகளுக்கு சென்று பணியாற்றுவதற்கு தடை விதிக்கப்பட்டுள்ளது.

ஏப்ரல் 2 ஆம் திகதி கையெழுத்திடப்பட்ட இந்த உத்தரவின்படி, நாடு அவசரகால நிலையில் இருக்கும்போது மருத்துவர்கள், செவிலியர்கள், மருத்துவ நிபுணர்கள் மற்றும் ஏனைய மருத்துவ ஊழயிர்களுக்கே இவ்வாறு வெளிநாடுகளில் சென்று பணியாற்றுவதற்கு தடை விதிக்கப்பட்டுள்ளது.

பிலிப்பைன்ஸ் ஆண்டுதோறும் 13,000 மருத்துவ பணியாளர்களை வெளிநாடுகளுக்கு அனுப்பும் அதேவேளை, உள்நாட்டில் 290,000 சுகாதார ஊழியர்கள் பற்றாக்குறையை எதிர்கொள்வதாகவும் அந் நாட்டு அதிகாரிகளினால் சுட்டிக்காட்டப்பட்டுள்ளது.

பிலிப்பைன்ஸில் இதுவரை 4,428 பேர் கொரோனா தொற்றாளர்களாக அடையாளம் காணப்பட்டுள்ள நிலையில், அதனால் 247 உயிரிழப்பு சம்பவங்களும் இடம்பெற்றுள்ளமை குறிப்பிடத்தக்கது.

Photo Credit : asia.nikkei