காணாமல்போனோர் குறித்த அலுவலகம் ; சட்டமூலத்தை சமர்ப்பித்தார் பிரதமர்

Published By: Raam

23 Jun, 2016 | 08:54 AM

காணாமல்போன ஆட்கள் தொடர்பான அலுவலகம் (தாபித்தலும் நிர்வகித்தலும் பணிகளை நிறைவேற்றுதலும்) தொடர்பான சட்டமூலத்தை பிரதமர் ரணில் விக்கிரமசிங்க நேற்று புதன்கிழமை சபையில் முன்வைத்தார்.

இச் சட்டமூலத்தை முன்வைத்த பிரதமரும் தேசிய கொள்கைகள் மற்றும் பொருளாதார அலுவல்கள் அமைச்சருமான ரணில் விக்கிரமசிங்க,

காணாமற்போன ஆட்கள் பற்றிய அலுவலகத்தை தாபிப்பதற்கு ஏற்பாடு செய்வதற்கும் காணாமற்போன ஆட்கள் தேடிக் கண்டுபிடிப்பதற்கு ஏற்பாடு செய்வதற்கும் காணாமற் போன ஆட்களின் உறவினர்களுக்கு உதவி வழங்குவதற்கும் இது உதவும் என்றார்.

அத்துடன் காணாமற்போன ஆட்கள் பற்றிய தரவுத் தளத்தை நிறுவுவதற்காகவும் சொல்லப்பட்ட அலுவலகத்திற்கு குறித்தளிக்கப்பட்ட தத்துவங்களுக்கும் பணிகளுக்கும் ஏற்புடையவையான நடவடிக்கை முறைகளையும் வழிகாட்டு நெறிகளையும் எடுத்து கூறுவதற்கானதுமான சட்ட மூலமாகும் மேலும் ன் இச்சட்டத்தின் ஏற்பாடுகளை நடைமுறைப்படுத்தலுடன் தொடர்புபட்ட அல்லது அதன் இடை நேர்விளைவான எங்கள் கருமங்களுக்கும் ஏற்பாடு செய்வதற்குமானதொரு சட்ட மூலமாகும் என்றும் பிரதமர் சபையில் தெரிவித்தார்.