கொரோனா வைரஸ் குறித்து உண்மைகளை அறிய உலக சுகாதார ஸ்தாபனம் அறிமுகப்படுத்தும் புதிய செயலி !

28 Mar, 2020 | 10:36 AM

கொரோனா வைரஸ் தொற்றுநோய் குறித்த தகவல்களை வழங்கவும், பொய்யான மற்றும் தவறான தகவல்கள் பரவுவதை தடுக்கவும் புதிய செயலி ஒன்றை உலக சுகாதார ஸ்தாபனம் ஆரம்பிக்கவுள்ளது.

இச் செயலி iOS மற்றும் Android இல் இயங்கும் வகையில், COVID-19 வைரஸ் தொடர்பான செய்திகளை வழங்க உதவும் ஆப் கலெக்டிவ் 4 தன்னார்வ நிபுணர்களினால் வடிவமைக்கப்பட்டுள்ளது.

உலக சுகாதார அமைப்பின் ஒப்புதலுக்கு அமைய iOS மற்றும் Android இல் இச் செயலி அதிகாரபூர்வமாக திங்கட்கிழமை தொடங்கப்படவுள்ளது.

WHO MyHealth என பெயரிடப்பட்டுள்ள இச் செயலியை திங்கள் முதல் ஆரம்ப கட்டமாக iOS மற்றும் Android சாதனங்களில் பதிவிறக்கம் செய்து பயனடைய முடியுமென தெரிவிக்கப்பட்டுள்ளது.