தவறவிடாதீர்கள்..!உடனே பதிவு செய்யுங்கள்

கிளிநொச்சி அக்கராயன் குளம் பொலிஸ் பிரிவுக்கு உட்பட்ட கெங்காதரன் குடியிருப்பில் வீடு ஒன்றுக்கு விஷமிகளால் தீ வைக்கப்பட்டுள்ளது. என   வீட்டின் உரிமையாளர் தெரிவித்துள்ளார்

மிகவும் வறுமை கோட்டிற்கு உட்பட்டு கணவனால் கைவிடப்பட்டு இரண்டு பிள்ளைகளுடன் வாழ்ந்து வருகின்ற   குடும்பத்தின் அரை நிரந்தர வீடே தீயினால் எரிந்து அழிந்துள்ளது. மின்சார கட்டணம் செலுத்தமுடியாத காரணத்தினால்  வீட்டின் மின் இணைப்பும் துண்டிக்கப்பட்டிருந்தது. எனவே மின் ஒழுக்கினால் தீ ஏற்படவில்லை எனத் தெரிவித்த அவர்.

என் குடும்பத்தின் வறுமையை கண்டு தொண்டு நிறுவனம் ஒன்றினால்  தற்காலிக விடு அமைத்துக் கொடுக்கப்பட்டது இவ்வீட்டிற்கே  நேற்று இரவு( 17) தீ வைக்கப்பட்டுள்ளது.

கட்டாக்காலி நாய் கடிக்கு உள்ளான தனது பிள்ளையை வைத்தியசாலைக்கு அழைத்துச் சென்றபோது வீட்டில் யாரும் இல்லாத நேரத்தில் இரவு 11 மணி அளவில்  தீவைப்பு சம்பவம் இடம்பெற்றுள்ளது. 

வீட்டுக்கு வழங்கப்பட்ட மின்சார கட்டணம் செலுத்தப்படாமையினால் மின்சாரம் துண்டிக்கப்பட்டுள்ளது நிலையில் வீட்டில் மின்சாரம் ஒழுக்கு ஏற்படக்கூடிய சாத்தியக்கூறுகள் அற்ற நிலையில் காணப்படுகின்றது.

இது தொடர்பாக மேலதிக விசாரணைகளை அக்கராயன்குளம்  பொலிஸார் மேற்கொண்டு வருகின்றார்கள்.