தவறவிடாதீர்கள்..!உடனே பதிவு செய்யுங்கள்

வடமாகாணத்தில் வாகன வருமான வரி அனுமதிப் பத்திரங்கள் பிரதேச செயலகங்கள் ஊடாக வழங்கும் செயற்பாடுகள் தற்காலிகமாக இடைநிறுத்தப்பட்டுள்ளதாக வடமாகாண மோட்டார், வாகன போக்குவரத்து திணைக்கள பணிப்பாளர் திருமதி சி.சுஜீவா தெரிவித்துள்ளார். 

இது தொடர்பில் இன்று வடமாகாணத்தின் அனைத்து பிரதேச செயலங்களுக்கும் அனுப்பி வைத்துள்ள கடிதத்தில் தெரிவிக்கப்பட்டுள்ளதாவது, 

வடமாகாண ஆளுனரின் அறிவுறுத்தலுக்கு அமைய பொதுமக்கள் பிரதேச செயலங்களில் ஒன்று கூடுவதை தவிர்க்கும் நோக்கிலும், அவர்களின் நலன் கருதியும் வாகன வருமான வரி அனுமதிப்பத்திரம் (ரக்ஸ்) வழங்கும் செயற்பாடானது தற்காலிகமாக  நேற்று முதல் 31.03.2020 வரை வடமாகாணத்தில் உள்ள அனைத்து பிரதேச செயலகங்களிலும் இடைநிறுத்தப்பட்டுள்ளது. 

இதனால் இக்காலப்பகுதியில் காலாவதியான வாகன வருமான வரி அனுமதிப்பத்திரம் செலுத்துபவர்களுக்கான தண்டப்பணம் அறவிடப்படமாட்டாது என்பதுடன், இது தொடர்பில் போக்குவரத்து பொலிஸாருக்கும் தெரியப்படுத்தப்பட்டுள்ளது என அக் கடிதத்தில் தெரிவிக்கப்பட்டுள்ளது.