தவறவிடாதீர்கள்..!உடனே பதிவு செய்யுங்கள்

சர்வதேச ரீதியில் ஐ போன்களின் (I phone) வீழ்ச்சியின் காரணமாக ஐ போன் வாடிக்கையாளர்கள் நீண்டநாள் புதிய தொலைபேசிக்கு காத்திருக்க வேண்டுமென ஆப்பிள் நிறுவன் அறிவித்துள்ளது.

அதேவேளை ஐ போனில் ஏதாவது கோளாறுகள் அல்லது பழுது ஏற்பட்டிருந்தால் அதனை சரிசெய்வதற்கு அல்லது அதற்கு பதிலாக மற்றுமொரு ஐ போனை கொள்வனவு செய்வதற்கு நீண்டகாலம் காத்திருக்க வேண்டுமென அந் நிறுவனம் மேலும் தெரிவிக்கின்றது.

ஐ போன் தயாரிப்புகள் அமெரிக்காவின் மிகப்பெரிய தொழில்நுட்ப நிறுவனங்களில் ஒன்றாகும். இந்நிலையில் ஐ போன்களின் பாரிய உற்பத்திக்கு சீனாவில் இருந்து உபகரணங்கள் மற்றும் பாகங்கள் வருகின்றன.

இதில் சீனாவில் தற்போது தீவிரமடைந்து வரும் கொரோனா வைரஸின் தாக்கம் ஐ போன்களின் உற்பத்தியை குறைத்துள்ளதோடு , ஐ போன்களின் அலுவலக கிளைகள் சீனாவில் மூடப்பட்டு மறுபடியும் திறக்கப்பட்டது.

எனினும் இவ்வாறு திறக்கபப்ட்டதை அடுத்து ஐபோன்களின் உற்பத்தி வீழ்ச்சி கண்டுள்ளதால் , தற்போது பெரும் சிரமத்தை எதிர்நோக்குவதாக ஆப்பிள் நிறுனம் தெரிவிக்கின்றது.

இந்நிலையிலேயே உடைந்த ஐ போன்களை உபயோகிப்போர் அதனை சரிசெய்வதற்கு ஒரு மாதகாலத்திற்கும் அதிகமாக காத்திருக்கக் கூடுமென தெரிவிக்கப்பட்டுள்ளது.

அத்தோடு சேதமடைந்த ஐ போன்களுக்கு மாற்றீடு செய்வதற்கான உபகரணங்கள் குறைந்த அளவில் உற்பத்தி செய்யப்பட்டு வருவதோடு , வாடிக்கையாளர்கள் இதில் அவதானத்துடன் செயற்படுமாறும் தெரிவிக்கப்பட்டுள்ளது.

Image : The Sun