தவறவிடாதீர்கள்..!உடனே பதிவு செய்யுங்கள்

தமிழர்களின் தேசிய விடுதலை போராட்டத்தைச் சிதைக்கும் வகையிலேதான் இந்த அரசாங்கம் செயற்படுகிறது எனத் தமிழ்த் தேசியக் கூட்டமைப்பின் பாராளுமன்ற உறுப்பினர் சிவஞானம் சிறீதரன் தெரிவித்தார்.

கட்சியின் செயற்பாட்டாளர்களுடனான சந்திப்பு தமிழ்த் தேசியக் கூட்டமைப்பின் மாவட்ட காரியாலயமான அறிவகத்தில் நடைபெற்றபோதே அவர் இதனைத் தெரிவித்தார்.

நாம் இந்த நாட்டிலே விடுதலை வேண்டி 70ஆண்டுகளுக்கு மேலாகப் போராடி வருகிறோம் ஆரம்பத்தில் தந்தை செல்வா தலைமையில் அகிம்சை வழியிலும் பின்னர் ஆயுத வழியில் தலைவர் பிரபாகரன் தலைமையிலும் போராடி வந்தவர்கள் தமிழர்கள்.

தமிழர்கள் சிங்கள மக்களின் உரிமைகளைப் பறிப்பதற்காக இந்த மண்ணில் போராடவில்லை. நாம் பூர்விகமாக வாழ்ந்த இந்த மண்ணிலே எமது உரிமைகளைப் பெறுவதற்காகவே நாம் போராடி வந்திருக்கிறோம் போராடியும் வருகிறோம். 

இவ்வாறாக நீண்ட காலமாக இடம்பெற்றுவரும் தேசிய விடுதலை போராட்டத்தைச் சிதைக்க இந்த அரசு உத்வேகத்துடன் செயற்படுகிறது. வடக்கு கிழக்கு பூராகவும் இராணுவ சோதனை நிலையங் களை நிறுவிச் சோதனையிட்டு தமிழர்களைத் தொடர்ந்தும் ஒரு இராணுவ கெடுபிடிக்குள் வைத்திருக் கவே இந்த அரசு செயற்படுகிறது என்றார்.