தவறவிடாதீர்கள்..!உடனே பதிவு செய்யுங்கள்

தனது முழங்காலில் மேற்கொள்ளப்பட்ட அறுவை சிகிச்சை காரணமாக இந்த ஆண்டு இடம்பெறும் பிரான்ஸ் பகிரங்க டென்னிஸ் தொடரிலில் கலந்து கொள்ளப் போவதில்லை என ரோஜர் பெடரர் அறிவித்துள்ளார்.

இது தொடர்பில் தனது டுவிட்டர் பக்கத்தில் தெரிவித்துள்ள பெடரர், தனது வலது முழங்கால் வலியால் அண்மைக்கலமாக பாதிக்கப்பட்டுள்ளேன்.

அதன் காரணமாகதான் நான் எனது குழுவுடன் கலந்துரையாடி அறுவை சிகிச்சை மேற்கொள்ள தீர்மானம் மேற்கொண்டேன். உங்கள் அனைவரின் ஆதரவுடன் மீண்டும் விளையாடுவதற்கு காத்திருக்கின்றேன் என பதிவிட்டுள்ளார்.

சுவிட்சர்லாந்து நட்சத்திரமான பெடரர் 38 வயதான ரோஜர் பெடரருக்கு நேற்று புதன்கிழமை முழங்காலில் அறுவை சிகிச்சை செய்யப்பட்டது. 

இதனால் 20 முறை கிராண்ட்ஸலாம் பட்டம் வென்ற பெடரர், பிரான்ஸ் பகிரங்க டென்னிஸ் தொடர் உட்பட ஏனைய முக்கிய தொடர்களையும் தவறவிடுவார் என கூறப்படுகிறது. 

எனினும் இந்த ஆண்டின் இறுதிப் பகுதியில் "Grass Court" டென்னிஸ் தொடரில் கலந்துகொள்வார் என எதிர்பார்க்கப்படுகிறது.