தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

மத்திய வங்கி பிணை முறி மோசடி தொடர்பில் எதிர்வரும் 19 மற்றும் 20 ஆம் திகதிகளில் இடம்பெறவுள்ள சபை ஒத்தி வைப்பு வேளை விவாதத்தில் முன்வைக்கப்பட வேண்டிய விடயங்கள் தொடர்பில் ஐக்கிய தேசிய கட்சி அவதானம் செலுத்தியுள்ளது.

ஐக்கிய தேசிய கட்சி தலைவர் ரணில் விக்கிரமசிங்க தலைமையில் இன்று பாராளுமன்ற கட்டட தொகுதியில் நடைபெற்ற கலந்துரையாடலின் போதே இவ்விடயம் தொடர்பில் அவதானம் செலுத்தப்பட்டுள்ளது.

மத்திய வங்கி பிணை முறி மோசடி தொடர்பான கணக்காய்வு தடயவியல் அறிக்கை எதிர்வரும் 19, 20 ஆம் திகதிகளில் ஒத்தி வைப்பு வேளை விவாதத்துக்கு எடுத்துக் கொள்ளப்படவுள்ள நிலையில் , விவாதத்தின் போது ஐக்கிய தேசிய கட்சியால் முன்வைக்கப்பட வேண்டிய விடயங்கள் தொடர்பில் பேராசிரியர் ஹர்ஷ டி சில்வா, ரவி கருணாநாயக்க மற்றும் மங்கள சமரவீர ஆகியோர் ஏனைய உறுப்பினர்களுக்கு தெளிவுபடுத்தியுள்ளனர்.