சீனாவில் பரவி வரும் கொரோனா வைரஸுக்கு சதிவேலைகள் காரணம் என தவறான தகவல்கள் இனந்தெரியாதவர்களால் சமூகவலைத்தளங்களில் பரப்பப்பட்டு வருவதாக எச்சரிக்கப்பட்டுள்ளமை ஏற்கனவே அனைவரும் அறிந்ததாகும்.
இந்நிலையில் ரஷ்யாவில் தொலைக்காட்சி செய்தி ஒளிபரப்புகள் அமெரிக்கா உள்ளடங்கலான மேற்குலக நாடுகளின் சதித்திட்டமே கொரோனா வைரஸ் என பகிரங்கமாக செய்தி வெளியிட்டு சர்ச்சையை ஏற்படுத்தியுள்ளன.
அந்நாட்டு சனல் வண் தொலைக்காட்சியின் வரெமியா (நேரம்) என்ற பிரதான மாலைச் செய்தி நிகழ்ச்சியில் லத்தீன் மற்றும் ரஷ்ய மொழிகளில் கிரீடம் என்று பொருள்படும் கொரோனா என்ற பெயரானது அமெரிக்க ஜனாதிபதி டொனால்ட் ட்ரம்ப் எந்த வழியிலோ அதனுடன் சம்பந்தப்பட்டுள்ளதை சுட்டிக்காட்டுவதாக உள்ளது எனக் குறிப்பிடப்பட்டுள்ளது. டொனால்ட் ட்ரம்ப் அழகுப் போட்டிகளுக்கு தலைமை தாங்குவதும் வெற்றியாளர்களுக்கு கிரீடங்களை கையளிப்பதும் வழமையாகவுள்ளதால் கிரீடம் என்ற சொல்லுக்கும் டொனால்ட் ட்ரம்பிற்கும் தொடர்பு உள்ளதாக அந்த ஊடகத்தைச் சேர்ந்த ஊடகவியலாளர் ஊகம் வெளியிட்டுள்ளார்.
நிஜத்தில் கிரீடத்தின் வடிவைக் கொண்டிருந்ததாலேயே கொரோனா வைரஸுக்கு அந்தப் பெயர் விஞ்ஞானிகளால் சூட்டப்பட்டுள்ளமை குறிப்பிடத்தக்கது.
இதனையடுத்து அந்த ஊடகத்தில் வெ ளியிடப்பட்ட காணொளிக் காட்சியில் கிரீடம் தொடர்பான ஊகம் விநோதமான ஒரு முன்வைப்பு என்பது ஒப்புக்கொள்ளப்பட்டிருந்தது. ஆனால் ஆசியர்களை மட்டும் பாதித்துள்ள இந்தப் புதிய வைரஸ் இனரீதியான உயிரியல் ஆயுதமொன்றாக இருக்கக்கூடும் என்ற ஊகம் அந்த ஊடகத்தால் முன்வைக்கப்பட்டுள்ளது. சீன கொரோனா வைரஸ் செயற்கையாக உருவாக்கப்பட்டதென நிபுணர் ஒருவர் தெரிவித்துள்ளதாகவும் அதற்குப் பின்னணியில் அமெரிக்க புலனாய்வு முகவர் நிலையங்கள் அல்லது அமெரிக்க மருந்துக் கம்பனிகள் இருக்கலாம் எனக் கருதப்படுவதாகவும் அந்த ஊடகம் தெரிவிக்கிறது.
அதேசமயம் மருந்தக கம்பனிகள், அமெரிக்கா அல்லது அதன் முகவர்கள் உள்ளடங்கலான பல்வேறுபட்ட மேற்குலக சக்திகள் சீனப் பொருளாதாரத்தை பலவீ னப்படுத்தும் இலக்கில் இந்த வைரஸை எந்த வகையிலாவது உருவாக்கி பரப்பி யிருக்கலாம் என சனல் வண் தொலைக் காட்சியின் பிறிதொரு அரசியல் நிகழ்ச்சியான வரெமியா பொகாஸெட்டில் ஊகம் வெளியிடப்பட்டுள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM