தவறவிடாதீர்கள்..!உடனே பதிவு செய்யுங்கள்

விஜய முருகன் இயக்கத்தில் யோகி பாபு, அஞ்சலி, வரலட்சுமி சரத்குமார் உள்ளிட்டோர் நடித்து வரும் படம் காக்டெய்ல். இந்த திரைப்படத்தின் ஃபர்ஸ்ட் லுக் போஸ்டரில் யோகி பாபு முருகன் வேடத்தில் தோன்றியதை அடுத்து, என்ன தமிழ் கடவுள் முருகனை கிண்டல் செய்கிறீர்களா, என ரசிகர்கள் கேள்வியெழுப்பியிருந்தார்கள்.

ஃபர்ஸ்ட்லுக் போஸ்டர் சர்ச்சை பெரிதானதைதொடர்ந்து “காக்டெய்ல்“ படத்தின் தயாரிப்பாளரான பி.ஜி. முத்தையா இது குறித்து விளக்கம் அளித்து அறிக்கை வெளியிட்டார். மேலும் இனி இது போன்று நடக்காது என்று உத்தரவாதம் அளித்துள்ளார். 

இந்நிலையில், தமது திருமணம் தொடர்பில் இதுவரை மௌனம் காத்த யோகி பாபுவுக்கும், மஞ்சு பார்கவிக்கும் இன்று காலை குலதெய்வம் கோவிலில்  எளிமையாக திருமணம் நடந்துள்ளது.

தமது திருமணம் புகைப்படத்தை டுவிட்டரில் வெளியிட்டு யோகி பாபு கூறியிருப்பதாவது,

 இன்று காலை (05.02.2020) எனது குலதெய்வ கோவிலில் வைத்து #மஞ்சுபார்கவிக்கும் எனக்கும் திருமணம் நடைபெற்றது என்பதை அனைவருக்கும் மகிழ்ச்சியுடன் தெரிவித்துக் கொள்கிறேன். வரும் மார்ச் மாதம் சென்னையில் வரவேற்பு நிகழ்ச்சி நடைபெறவுள்ளது என்று கூறியுள்ளார்.

யோகி பாபுவின் டுவீட்டை பார்த்த திரையுலக பிரபலங்களும், ரசிகர்களும் அவருக்கு வாழ்த்து தெரிவித்துள்ளனர். 

“இந்த தை மாதம் உங்களுக்கு திருமணம் நடக்கும்“ என்று நடிகர் ரஜினிகாந்த் சொன்னார் என யோகி பாபு தர்பார் இசை வெளியீட்டு விழாவில் தெரிவித்திருந்தார்.  ரஜினி கூறியபடியே யோகி பாபுவுக்கு திருமணம் நடந்துவிட்டது என்று கூறி ரஜினி ரசிகர்கள் மகிழ்ச்சி அடைந்துள்ளனர்.

ஃபர்ஸ்ட் லுக்  “காக்டெய்ல்“