தவறவிடாதீர்கள்..!உடனே பதிவு செய்யுங்கள்

மன்னார் கள்ளியடியை வசிப்பிடமாக கொண்ட அமரர் சன்முகம் அமுர்தலிங்கத்தின் 2 ஆவது ஆண்டு நினைவையொட்டி வடக்கின் பாரம்பரிய நிகழ்வான இரட்டை மாட்டு வண்டி சவாரி போட்டி  இன்று சனிக்கிழமை (01) மாலை 3 மணியளவில் மன்னார் மாந்தை இரட்டை மாட்டு வண்டி சவாரி திடலில்   இடம்பெற்றது.

மன்னார் மாவட்ட மாட்டு வண்டி சவாரி சங்கத்தின் அனுசரனையுடன் இடம்பெற்ற குறித்த இரட்டை மாட்டு வண்டி சவாரிப் போட்டியில்; 51 ஜோடி காளைகளுடன் போட்டி இடம்பெற்றது.

குறித்த மாட்டு வண்டி சவாரியானது A,B,C,D ஆகிய நான்கு பிரிவுகளாக இடம் பெற்றது.

குறித்த 4 பிரிவுகளிலும் யாழ்ப்பாணத்தைச் சேர்ந்த போட்டியாளர்களின்  காளைகள் வெற்றி பெற்றுள்ளன.

போட்டியில் வெற்றி பெற்ற காளைகளின் உரிமையாளர்களுக்கு   பரிசில்கள்  ஏற்பாட்டுக்குழுவினரால் வழங்கி வைக்கப்பட்டமை குறிப்பித்தக்கது.