அரசியல் கைதிகளைப் பணயம் வைத்து படையினரை விடுதலை செய்ய அரசாங்கம் முயற்சிக்கின்றது - சுமந்திரன்

Published By: Daya

29 Jan, 2020 | 11:08 AM
image

தமிழ் அரசியல் கைதிகளைப் பணயம் வைத்து சிறைகளில் உள்ள படையினரை விடுதலை செய்வதற்கு ஜனாதிபதி கோத்தபாய தலைமையிலான அரசாங்கம் முயற்சிக்கின்றது என தமிழ்த்தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்துள்ளார். 

இது குறித்து மேலும் தெரிவிக்கையில், 

தற்போதைய அரசியல் நிலைமைகள் தொடர்பாக யாழ். அலுவலகத்தில் இடம்பெற்ற ஊடக வியலாளர் சந்திப்பின்போதே அவர் இதனைத் தெரிவித்தார்.

கடந்த ஆட்சிக்காலத்தில் இந்த விடயம் தொடர்பாக நாங்கள் அதிகளவான நடவடிக்கைகளை எடுத்திருந்தோம். அதன் விளைவாகச் சிறைகளிலிருந்த அரைவாசிக்கும் அதிகமானவர்கள் விடுதலை செய்யப்பட்டனர் அதனை நாம் ஒரு பொறிமுறை ஊடாக செயற்படுத்தினோம். ஆனால் பலர் அந்த பொறிமுறை செயற்படுத்தப்படவில்லை.

அதற்குக் காரணம் சில சட்டத்தரணிகளே. அதனாலேயே சிறையில் உள்ள மிகுதி அரசியல் கைதிகள் விடுதலை செய்யப்படவில்லை. ஆனாலும் சிறையிலுள்ள அரசியல் கைதிகள் விடயமாக நாங்கள் இந்த அரசாங்கத்துடனும் பேசியிருக்கின்றோம். சுமார் 50ற்கும் மேற்பட்ட அரசியல் கைதிகள் குற்றவாளிகளாக தீர்ப்பளிக்கப்பட்டவர்கள்.

எனவே அவர்கள் ஜனாதிபதியின் பொதுமன்னிப்பின் ஊடாக மட்டுமே விடுதலை செய்ய முடியும். இந்நிலையில் ஜனாதிபதியும் அவருடன் சேர்ந்திருக்கும் சிலரும் இரு தரப்புக்கும் குறிப்பாகத் தமிழ் அரசியல் கைதிகளுக்கும் சிறையில் உள்ள இராணுவத்திற்கும் பொதுமன்னிப்பு கொடுத்து விடுதலை செய்யலாம் எனப் பேசத் தொடங்குகின்றனர்.

அவர்கள் இப்படிப் பேசுவார்கள் என்பது எமக்கு முன்பே தெரியும். இப்போதுதான் அறிந்த விடயமல்ல. ஆனால் படையினரையும் தமிழ் அரசியல் கைதிகளையும் ஒப்பிட முடியாது. காரணம் தமிழ் அரசியல் கைதிகள் பல காலமாகச் சிறைகளில் இருக்கிறார்கள். 

பலர் நீதிமன்றத்தில் நிறுத்தப்பட்டு குற்றவாளிகளாகக் காணப்பட்டுள்ளார்கள். அதன் அடிப் படையில் தீர்ப்பும் வழங்கப்பட்டிருக்கின்றது. ஆனால் படையினரை யாரும் நீதிமன்றில் நிறுத்தப் பட்டு குற்றவாளிகளாகக் காணப்படவோ அல்லது தீர்ப்பளிக்கப்படவோ இல்லை. ஆகவே தமிழ் அரசியல் கைதிகளும், படையினரும் சரி சமமாகப் பார்க்கப்படவேண்டுமானால் நாங்கள் மேலே கூறியது நடக்கவேண்டும்.

ஆனால் அதை இப்போது இவர்களால் செய்ய முடியாது. இந்நிலையிலேயே தமிழ் அரசியல் கைதிகளைப் பணய கைதிகளாக வைத்துக் கொண்டு படையினரை விடுதலை செய்யவும், அரசுக்கு எதிரான குற்றங்களைக் கைவிடுங்கள் எனக் கேட்கவும் அரசு இப்போது துணிந்திருக்கின்றது. ஆனால் எந்தவொரு சந்தர்ப்பத்திலும் நாம் அதற்கு இசைந்து கொடுக்கப்போவதில்லை என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

பெருந்தோட்ட கம்பனிகள் சமர்ப்பித்த முன்மொழிவை நிராகரித்த...

2024-03-28 16:19:07
news-image

கெஹெலிய ரம்புக்வெல்லவிற்கு மீண்டும் விளக்கமறியல்

2024-03-28 16:14:07
news-image

கொழும்பு கிராண்ட்பாஸ் பகுதியில் தீ பரவல்

2024-03-28 15:52:31
news-image

இன்றைய நாணய மாற்று விகிதம் 

2024-03-28 16:02:37
news-image

மீண்டும் அதிகரித்த தங்கத்தின் விலை!

2024-03-28 14:48:17
news-image

மக்களின் துயரங்களுக்கு தீர்வு காண நாட்டின்...

2024-03-28 14:26:10
news-image

இருவரைச் சுட்டுக் கொன்ற சம்பத் சமிந்தவின்...

2024-03-28 16:00:53
news-image

மாதமொன்றுக்கு 6 இலட்சம் கோழி முட்டைகள்...

2024-03-28 13:56:01
news-image

கத்தரிக்கோலால் தாக்கப்பட்டு ஒருவர் கொலை ;...

2024-03-28 12:03:22
news-image

ஆபாசப் படங்கள், நிர்வாணப் படங்கள் தொடர்பில்...

2024-03-28 12:07:47
news-image

கேப்பாப்புலவு மக்களின் நில விடுவிப்புக்கான போராட்டம்...

2024-03-28 11:32:19
news-image

நியூமோனியாவால் உயிரிழந்த நபரின் நுரையீரலில் கண்டுபிடிக்கப்பட்ட...

2024-03-28 11:04:51