தவறவிடாதீர்கள்..!உடனே பதிவு செய்யுங்கள்

மாந்தை மேற்கு பிரதேசச் செயலாளர் பிரிவுக்குட்பட்ட மன்னார் பகுதியில் பல இலட்சம் ரூபா பெறு மதியான வல்லப் பட்டைகளுடன் இரு சந்தேகநபர்களை மன்னார் மாவட்ட போதைப்பொருள் தடுப்பு பிரிவு அதிகாரிகள் நேற்று திங்கட்கிழமை மாலை கைதுசெய்துள்ளனர்.

கடற்படையினர் வழங்கிய தகவலுக்கு அமைவாக மன்னார் மாவட்ட சிரேஷ்ட பொலிஸ் அத்தியட்சகர் பந்துல வீர சிங்கவின் பணிப்புரைக்கு அமைவாக மன்னார் மாவட்ட போதைப்பொருள் தடுப்பு பிரிவு அதிகாரி பொலிஸ் பரிசோதகர் கங்காபதி ஆர்த்தனன் தலைமையிலான பொலிஸ் குழுவினர் நேற்று திங்கட்கிழமை மாலை மன்னார் பகுதிக்குச் சென்று இரு சந்தேகநபர்களை கைது செய்ததோடு, பல இலட்சம் ரூபா பெறுமதியான 70 கிலோ வல்லப்பட்டையினை மீட்டுள்ளனர்.

இந்நிலையில், கைது செய்யப்பட்ட 21 மற்றும் 60 வயதுடைய இரு சந்தேகநபர்கள் பொலிஸ் நிலையத்தில் தடுத்து வைக்கப்பட்டு விசாரணைக்குட்படுத்தப்பட்டுள்ளனர்.

மீட்கப்பட்ட வல்லப்பட்டை பொதிகள் மன்னார் மாவட்ட சிரேஷ்ட பொலிஸ் அத்தியட்சகர் அலுவலகத்தில் ஒப்படைக்கப்பட்டுள்ளது. 

குறித்த சம்பவம் தொடர்பாக மேலதிக விசாரணைகளை மன்னார் மாவட்ட போதைப்பொருள் தடுப்பு பிரிவு பொலிஸார் மேற்கொண்டு வருகின்றமை குறிப்பிடத்தக்கது.