தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பத்தேகம பொலிஸ் பிரிவிற்குட்பட்ட தொடந்துவ - எத்கந்துர வீதியில் இடம்பெற்ற விபத்தில் ஒருவர் உயிரிழந்துள்ளார்.

நேற்று ஞாயிற்றுக்கிழமை இரவு 7.35 மணியளவில் குருசிங்ககொட பிரதேசத்திலிருந்து எத்கந்துர நோக்கிச் சென்ற மோட்டார் சைக்கிள் வீதியில் குறுக்காக நாயொன்று ஓடியமையால் கட்டுப்பாட்டை இழந்து வீதியை விட்டு விலகியமையாலேயே குறித்த விபத்து இடம்பெற்றுள்ளதாக பொலிஸ் ஊடகப்பிரிவு தெரிவித்துள்ளது.

மோட்டார் சைக்கிளில் சென்ற நபர் படுகாயமடைந்த நிலையில் காலி, கராப்பிட்டிய வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

இவ்வாறு உயிரிழந்தவர் 57 வயதுடைய தொடந்துவ பிரதேசத்தைச் சேர்ந்தவராவார். பத்தேகம பொலிஸார் விபத்து தொடர்பில் மேலதிக விசாரணைகளை முன்னெடுத்து வருகின்றனர்.