தவறவிடாதீர்கள்..!உடனே பதிவு செய்யுங்கள்

பதுளை, கனுபெலேள பகுதியில் ஹெரோயின் விற்பனையில் ஈடுபட்ட மூவரை பொலிஸார் கைதுசெய்துள்ளனர்.

ஹெரோயின் விற்பனை தொடர்பில்பதுளை பொலிஸாருக்கு கிடைத்த முறைபாட்டிற்கு அமைய பதுளை பொலிஸ் நிலைய உதவி பொலிஸ் பரிசோதகர் கே.எம்.எம்.சம்பத் தலைமையிலான குழுவினர் கனுபெலேள பகுதியில் மேற்கொண்ட தேடுதல் நடவடிக்கையின் போதே இவ் மூவரும் கைதுசெய்யப்பட்டுள்ளனர்.

இவ்வாறு கைதுசெய்தவர்களிடமிருந்து 456 மில்லிகிராம் ஹெரோயின் பக்கெட்டுகள் கைப்பற்றப்பட்டுள்ளதாக பொலிஸார் மேலும் தெரிவித்தனர்.

பதுளை நகரில் குறித்த மூவரும் ஹெரோயின் போதைப்பொருள் விற்பனையில் ஈடுபட்டு வந்தவர்கள் என பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

கைதுசெய்யப்பட்ட மூவரையும் இன்று (27)  பதுளை நீதிமன்றத்தில் ஆஜர்படுத்த பொலிஸார் நடவடிக்கை எடுத்துள்ளனர்.