தவறவிடாதீர்கள்..!உடனே பதிவு செய்யுங்கள்

வைத்தியர்களின் பெயர்களில் பதிவு செய்யப்பட்டுள்ள தனியார் வைத்திய நிலையங்கள் தொடர்பில் கணக்கெடுப்பொன்றை முன்னெடுப்பதற்கு நடவடிக்கை எடுக்கப்பட்டிருப்பதாக, சுகாதாரம் மற்றும் சுதேச வைத்திய சேவைகள் அமைச்சர் பவித்திரா வன்னியாராச்சி தெரிவித்துள்ளார்.

இக்கணக்கெடுப்பு, எதிர்வரும் மே மாதம் முதலாம் திகதி முதல் ஆரம்பிக்கப்படும் என்றும் அவர் குறிப்பிட்டுள்ளார்.

வைத்தியர்களின் பெயர்களில் உள்ள தனியார் வைத்திய நிலையங்கள் தொடர்பில் கடந்த 2017 ஆம் ஆண்டே இறுதியாகக் கணக்கெடுப்பு மேற்கொள்ளப்பட்டது. 

இதற்கமைய, 657 வைத்திய நிலையங்களே பதிவு செய்யப்பட்டுள்ளன. இந்நிலையில், உரிய தரத்தைப் பின்பற்றாத தனியார் வைத்திய நிலையங்கள் காரணமாக பல பிரச்சினைகள் உருவாகியிருப்பதாகவும் அவர் மேலும் சுட்டிக்காட்டியுள்ளார்.