மெல்போர்னில் இடம்பெற்று வரும் அவுஸ்திரேலிய பகிரங்க டென்னிஸ் தொடரில் செரீனா வில்லியம்ஸ் கியாங் வாங்கிடம் தோல்வியடைந்து தொடரிலிருந்து வெறியேறியுள்ளார்.
அவுஸ்திரேலிய பகிரங்க டென்னிஸ் தொடரில் இன்றைய தினம் இடம்பெற்ற பெண்கள் ஒற்றையர் பிரிவில் 3 ஆம் சுற்றில் 38 வயதுடைய அமெரிக்காவின் முன்னணி வீராங்கனையும், டென்னிஸ் தரவரிசையில் 9 ஆவது இடத்திலும் உள்ள செரீனா வில்லியம்ஸும், 29 ஆவது இடத்தில் உள்ள 28 வயதான சீனாவின் கியாங் வாங்கும் மோதினர்.
சுமார் 2 மணி நேரமும் 41 விநாடிகளும் நீடித்த இந்த ஆட்டத்தன் இறுதியில் கியாங் வாங் 6-4, 6-7 (2), 7-5 என்ற செட் கணக்கில் வெற்றி பெற்றார்.
இதன் மூலம் செரீனா வில்லியம்ஸ் அடுத்த சுற்றுக்கான வாய்ப்பினை இழந்து அவுஸ்திரேலிய பகிரங்க டென்னிஸ் தொடரிலிருந்து வெளியேற்றப்பட்டுள்ளார்.
இதேவேளை ஒற்றையர் பிரிவில் நேற்று நடந்த 2 ஆவது சுற்று ஆட்டம் ஒன்றில் ‘நம்பர் வன்’ வீரர் ரபெல் நடால் (ஸ்பெயின்) 6-3, 7-6 (7-4), 6-1 என்ற நேர் செட் கணக்கில் பெடெரிகோ டெல்போனிசை (அர்ஜென்டினா) தோற்கடித்து 3 ஆவது சுற்றை எட்டினார். நடால் அடுத்து சக நாட்டவர் காரெனோ பஸ்தாவை சந்திக்கிறார்.
4 ஆம் நிலை வீரரான டேனில் மெட்விடேவ் (ரஷ்யா), தகுதி நிலை வீரர் ஸ்பெயினின் பெட்ரோ மார்ட்டினசை 7-5, 6-1, 6-3 என்ற நேர் செட்டில் வீழ்த்தி 3 ஆவது சுற்றுக்கு தகுதி பெற்றார்.
மற்ற ஆட்டங்களில் வாவ்ரிங்கா (சுவிட்சர்லாந்து), அலெக்சாண்டர் ஸ்வெரேவ் (ஜெர்மன்), டொமினிக் திம் (ஆஸ்திரியா), நிக் கைர்ஜியோஸ் (ஆஸ்திரேலியா), கரென் கச்சனோவ் (ரஷியா) உள்ளிட்டோர் வெற்றி கண்டனர்.
பெண்கள் ஒற்றையர் பிரிவின் 2 ஆவது சுற்று ஆட்டம் ஒன்றில் முன்னாள் நம்பர் ஒன் வீராங்கனை கார்பின் முகுருஜா (ஸ்பெயின்) அஜ்லா டாம்ஜனவோவிச்சை 6-3, 3-6, 6-3 என்ற செட் கணக்கில் போராடி சாய்த்தார். இந்த ஆட்டம் 2 மணி 22 நிமிடங்கள் நீடித்தது.
இன்னொரு ஆட்டத்தில் 2 ஆம் நிலை வீராங்கனை கரோலினா பிளிஸ்கோவா (செக்குடியரசு) 6-3, 6-3 என்ற நேர் செட்டில் லாரா சிஜ்மன்டை வெளியேற்றினார்.
சிமோனா ஹாலெப் (ருமேனியா), பென்சிச் (சுவிட்சர்லாந்து), ஏஞ்சலிக் கெர்பர் (ஜெர்மனி), கிகி பெர்டென்ஸ் (நெதர்லாந்து), ஸ்விடோலினா (உக்ரைன்) ஆகிய முன்னணி நட்சத்திரங்களும் தங்களது ஆட்டங்களில் வெற்றி பெற்றிருந்தமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM