தவறவிடாதீர்கள்..!உடனே பதிவு செய்யுங்கள்

இலங்கை பெற்றோலியக் கூட்டுத் ஸ்தாபனத்திற்கு அரசாங்க மற்றும் தனியார் நிறுவனங்களினூடாக 154 பில்லியன் ரூபா தீர்க்கப்படாத கடன் தொகை உள்ளதாக குறித்த கூட்டுத் தாபனம் பயணிகள் போக்குவரத்து மற்றும் மின்சக்தி, சக்திவலு அமைச்சர் மஹிந்த அமரவீரவுக்கு சுட்டிக்காட்டியுள்ளது.

இது தொடர்பில் இலங்கை பெற்றோலியக் கூட்டுத் ஸ்தாபனம் அமைச்சர் மஹிந்த அமரவீரவுக்கு அனுப்பிய அறிக்கையில் தெரிவிக்கப்பட்டுள்ளதாவது,

இலங்கை மின்சார சபை 86 பில்லியன் ரூபா கடன் தொகையைும், ஸ்ரீலங்கா ஏர்லைன்ஸ் நிறுவனம் 48 பில்லியன் ரூபா கடன் தொகைகையும் கொண்டுள்ளது.

அத்துடன் இலங்கை ரயில்வே திணைக்களம், இலங்கை போக்குவரத்து சபை மற்றும் வீதி அபிவிருத்தி அதிகார சபை ஆகியன மொத்தமாக 49 பில்லியன் ரூபா கடன் தொகையையும் கொண்டுள்ளது.

இதற்கு மேலதிகமாக சுயாதீன மின் உற்பத்தி நிறுவனங்கள் 10 பில்லியன் ரூபா கடனையும், மூன்று ஆயுதப் படைகளும் 1.5 பில்லியன் ரூபா கடன் தொகையை கொண்டுள்ளதாகவும் அந்த அறிக்கையில் மேலும் சுட்டிக்காட்டப்பட்டுள்ளது.