தவறவிடாதீர்கள்..!உடனே பதிவு செய்யுங்கள்

நேபாளத்தில் விடுதி ஒன்றில் ஏற்பட்ட வாயுக் கசிவில் சிக்கி இந்தியாவைச் சேர்ந்த 4 குழந்தைகள் உட்பட 8 சுற்றுலாப்பயணிகள் உயிரிழந்துள்ளதாகச் சர்வதேச ஊடகங்கள் தகவலை வெளியிட்டுள்ளது. 

கேரள மாநிலத்தைச் சேர்ந்த 15 பேர் நேபாளத்திற்குச் சென்று  எவரெஸ்ட்டில் உள்ள தனியார் விடுதி ஒன்றில் தங்கியிருந்தனர்.

இந்நிலையில், கதவு, யன்னல்கள் என அனைத்தையும் இறுக்கமாக மூடிவிட்டு  அவர்கள்  குளிர் காய்வதற்காக எரிவாயு சூடாக்கியை  (கேஸ் ஹீட்டரை) பயன்படுத்திய போது போதிய காற்றோட்டம் இல்லாமையால் மூச்சுத்திணறல் ஏற்பட்டு 8 பேர் உயிரிழந்துள்ளதாகத் தெரிவிக்கப்படுகின்றது.

உயிரிழந்தவர்களின் சடலங்களை இந்தியா கொண்டுசெல்ல நேபாளத்திற்கான இந்தியத் தூதரக அதிகாரிகள் நடவடிக்கைகளை எடுத்து வருவதாக வெளிவிவகார அமைச்சர் ஜெய்சங்கர் தெரிவித்துள்ளார். 

குறித்த சம்பவம் தொடர்பாக மேலதிக விசாரணைகளை அந்நாட்டு பொலிஸார்  மேற்கொண்டு வருகின்றனர்.