தவறவிடாதீர்கள்..!உடனே பதிவு செய்யுங்கள்

(எம்.ஆர்.எம்.வஸீம்)

ஐக்­கிய தேசிய கட்­சிக்குள் ஏற்­பட்­டி­ருக்கும் முரண்­பாடு பாரிய பிளவை ஏற்­ப­டுத்தும் நிலையில் இருக்­கின்­றது. அத்­துடன் சஜித் பிரே­ம­தாச கட்­சியின் கொள்­கையை மாற்­றி­ய­மைக்க திட்­ட­மிட்டு செயற்­பட்டு வரு­கின்றார். என்­றாலும் கட்­சியின் ஆரம்ப உறுப்­பி­னர்கள் அதற்கு இட­ம­ளிக்­கப்­போ­வ­தில்லை.

அவ்­வா­றான நிலையில் சஜித் பிரே­ம­தா­ச­வுக்கு புதிய  கட்­சி­யொன்றை உரு­வாக்­கு­வது தவிர வேறு வழி­யில்­லா­மல்­போகும் என ஜன­நா­யக இட­து­சாரி முன்­னணியின் தலை­வரும் இராஜாங்க அமைச்­ச­ரு­மான வாசு­தேவ நாண­யக்­கார தெரி­வித்தார்.

சோச­லிச மக்கள் முன்­னணி நேற்று கொழும்பில் நடத்­திய செய்­தி­யாளர் சந்­திப்பில் கலந்­து­கொண்டு கருத்து தெரி­விக்­கை­யி­லேயே இவ்­வாறு குறிப்­பிட் டார்.

அவர் அங்கு தொடர்ந்தும் தெரி­விக்­கையில்,

ஐக்­கிய தேசிய கட்­சிக்குள் தற்­போது ஏற்­பட்­டி­ருக் கும் தலை­மைப்­ப­தவி போட்டி கட்­சிக்குள் பிளவை ஏற்­ப­டுத்தும் நிலைக்கு சென்­றி­ருக்­கின்­றது. இந்த பிரச்­சி­னை­யா­னது ரணில் விக்­கிரம­சிங்க, சஜித் பிரே­ம­தா­ச­வுக்­கி­டையில் இருக்கும் பிரச்­சி­னை­யல்ல. கட்­சியின் கொள்­கையை மாற்­றி­ய­மைக்­க­வேண்டும் என்று சஜித் பிரே­ம­தாச மற்றும் அவரை சார்ந்­த­வர்கள் செயற்­பட்டு வரு­கின்­றனர். இதனை சஜித் பிரே­ம­தாச வெளிப்­ப­டை­யாக தெரி­விக்காவிட்­டாலும் அவரின் பேச்­சுக்­களில் விளங்­கிக்­கொள்­ளலாம்.

ஐக்­கிய தேசிய கட்சி ஆரம்பம் முதல் மேலா­திக்­க­வா­தி­களின் கொள்கை­யுடன் செயற்­பட்­டுவரும் கட்­சி­யாகும். அதனால் அதன் கொள்­கையை மாற்­றி­ய­மைக்க கட்­சியின் சிரேஷ்ட உறுப்­பி­னர்கள், ஆரம்­ப­கால அங்­கத்­த­வர்கள் இட­ம­ளிக்­க­மாட்­டார்கள்.

அப்­ப­டி­யானால் சஜித் பிரே­ம­தாச புதிய கட்­சி­யொன்றை ஆரம்­பிக்­க­வேண்­டி­வரும். அவ்­வா­றான நிலை ஏற்­பட்டால் ஐக்­கிய தேசிய கட்­சியின் மேலா­திக்­க­வா­திகள் கட்­சியை முன் கொண்டு செல்ல கலந்­து­ரை­யா­டல்­களை மேற்­கொண்­டு­ வ­ரு­கின்­றனர்.

அதனால் ஐக்­கிய தேசிய கட்­சிக்குள் தற்­போது ஏற்­பட்­டி­ருக்கும் மோதல் மிக­வி­ரைவில் பாரி­ய­தொரு வெடிப்­புடன் இரண்­டாக பிள­வு­படும் என்ற நம்­பிக்கை எமக்­கி­ருக்­கின்­றது.

தேர்­தலில் பெரும்­பான்­மையை பெற்று 19 ஆம் திருத்­தத்தை மாற்­றி­ய­மைக்­க­வேண்டும் என  அர­சாங்­கத்தில் சிலர் தெரி­வித்து வரு­கின்­றனர்.

எம்மை பொறுத்­த­வரை 19 ஆம் திருத்­தத்­தை­விட தேர்தல் முறை­மையில் மாற்றத்தை ஏற்படுத்தவே நடவடிக்கை எடுக்க வேண்டும். தற்போது அமு லில் இருக்கும் விகிதாசார தேர்தல் முறையால் மக்க ளுக்கு அநீதியே ஏற்பட்டு வருகின்றது. அதனால் தொகுதிவாரி, விகிதாசர முறைமையில் அமைந்த கலப்பு தேர்தல் முறைமையை ஏற்படுத்த வேண்டும் என்றார்.