தவறவிடாதீர்கள்..!உடனே பதிவு செய்யுங்கள்

ஒரே குடும்பத்தைச் சேர்ந்த தாய், மகள், மகளின் கணவர் என மூவர் நஞ்சு அருந்தி உயிரை மாய்க்க முற்பட்டபோது, தாயார் உயிரிழந்த நிலையில் மகளும் மருமகனும் ஆபத்தான நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர். 

குறித்த சம்பவம் தென்மராட்சி, மட்டுவில் சந்திரபுரம் வடக்கு செல்லப்பிள்ளையார் கோவிலடியில் நேற்று பிற்பகல் இடம்பெற்றதாக  சாகவச்சேரி பொலிஸார் தெரிவித்தனர்.

அதிக வட்டிக்கு வாங்கிய கடனால் ஏற்பட்ட நெருக்கடி நிலை காரணமாகவே இந்த உயிர் மாய்ப்பு முயற்சி இடம்பெற்றது என பொலிஸார் தெரிவித்துள்ளனர். 

தென்மராட்சி, மட்டுவில் சந்திரபுரம் வடக்கு செல்லப்பிள்ளையார் கோவிலடியைச் சேர்ந்த  நவரத்தினம் விமலேஸ்வரி என்ற தாயார் உயிரிழந்துள்ளார். அவரது மகள் சிவலக்சன் கீர்த்திகா  மருமகன் சிவபாலன் சிவலக்சன்  ஆகியோர் ஆபத்தான நிலையில் யாழ்ப்பாணம் போதனா வைத்தியசாலையில் சேர்க்கப்பட்டுள்ளனர்.

குறித்த சம்பவம் தொடர்பாக மேலதிக விசாரணைகளை பொலிஸார் மேற்கொண்டு வருகின்றனர்.