தவறவிடாதீர்கள்..!உடனே பதிவு செய்யுங்கள்

மட்டக்களப்பு கல்லடியில் அமைந்துள்ள கிழக்கு பல்கலைக்கழகத்தின் மருத்துவ பீடத்தில் இரண்டாம் வருடத்தில் கல்வி பயிலும் மாணவன் சின்னதம்பி மோகன்ராஜ் கடந்த வெள்ளிக்கிழமை 10.01.2020 முதல் காணவில்லை என குறித்த மாணவனின் பெற்றோர் தெரிவித்துள்ளனர்.

அக்கரப்பத்தனை ஹோல்புறுக் நகரத்தைச் சேர்ந்த சின்னதம்பி லக்க்ஷ்மி தம்பதிகளின் சிரேஸ்ட புதல்வனான சின்னதம்பி மோகன்ராஜ்  அக்கரப்பத்தனை ஹோல்புறூக் தமிழ் வித்தியாலத்தில் கா.பொ. த சாதாரணம் தரத்தில் பயின்று தலவாக்கலை தமிழ் மகா வித்தியாலயத்தின் உயர்தர விஞ்ஞான பிரிவில் மிகச் சிறந்த பெறுபேற்றை பெற்று மட்டக்களப்பு பல்கலைகழகத்தில் மருத்துவ பீடத்தில் கற்றுவருகின்றமை குறிப்பிடதக்கது.

இவர் தொடர்பான முறைப்பாடுகள் ஹோல்புறுக் பொலிஸ் நிலையத்தில் பெற்றோரினால் கடந்த 10 ஆம் திகதி  பதிவு செய்யப்பட்டுள்ளதுடன் மட்டக்களப்பு  கல்லடி பொலிஸ் நிலையத்திலும் புகார் செய்துள்ளனர்.

மாணவன் தொடர்பான தகவல் தெரிந்தால் அக்கரப்பத்தனை மற்றும் மட்டக்களப்பு பொலிஸ் நிலையத்திற்கும் கீழ் குறிப்பிட்டுள்ள தொலைபேசி இலக்கத்திற்கு அழைத்து 0775013587 தந்தைக்கும் அறிய தருமாறு  பொலிஸார் கேட்டுகொண்டுள்ளனர்.