தவறவிடாதீர்கள்..!உடனே பதிவு செய்யுங்கள்

மஹாபொல புலமைப்பரிசில் பெறும் மாணவர்களுக்கான கொடுப்பனவை 7 ஆயிரம் ரூபாவாக உயர்த்த இலங்கை அரசு முடிவு செய்துள்ளதாக மகாபொலவின் நிதி இயக்குநர் தெரிவித்துள்ளார். 

தற்போது மகாபொல புலமைப்பரிசில்  மாணவர்களுக்கு  ரூபா 5000 மாதாந்த கொடுப்பனவாக வழங்கப்பட்டுவரும் நிலையில், இந்த தொகை மாணவர்களின் செலவுகளை ஈடுசெய்ய போதுமானதாக இல்லை எனத் தெரிவித்து குறித்த தொகையை 10000 மாக உயர்த்தும்படி “அந்தரே” மாணவர் சங்கம் முன்வைத்த கோரிக்கைக்கு அமைய  இந்த கொடுப்பனவு அதிகரிக்கப்படவுள்ளது. 

இதனையடுத்து மஹாபொல உதவித்தொகை  எதிர்வரும் பொதுத் தேர்தலுக்குப் பிறகு அதிகரிக்கப்படும் என்று உயர்கல்வி அமைச்சர் பந்துல குணவர்தன அரச தகவல் திணைக்களத்தில் இடம்பெற்ற ஊடகவியலாளர் சந்திப்பில் தெரிவித்துள்ளமை குறிப்பிடத்தக்கது.