தவறவிடாதீர்கள்..!உடனே பதிவு செய்யுங்கள்

பருத்தித்துறை புதிய சந்தையில் உள்ள பென்சி கடை ஒன்று விசமி  ஒருவரால் தீவைத்து எரிக்கப்பட்டுள்ள நிலையில் கடையிலிருந்த பல இலட்சம் ரூபா பெறுமதியான பென்சி பொருட்கள் மற்றும் பாதணிகள் எரிந்து நாசமாகியுள்ளன.

இந்த நாசகாரச் செயல் இன்று அதிகாலை 2.30 மணியளவில் இடம்பெற்றுள்ளது என்று சிசிரிவி காணொலியை அடிப்படையாக வைத்து பொலிஸார் குறிப்பிட்டனர்.

பருத்தித்துறை புதிய சந்தையில் உள்ள சஜித் பென்சி என்ட் சூ மார்ட் என்ற கடையே இவ்வாறு பெற்றோல் ஊற்றப்பட்டு தீவைக்கப்பட்டுள்ளது.

கடையின் கதவினை உடைத்து பெற்றோல் ஊற்றப்பட்டு தீ வைக்கப்பட்டுள்ளது. தீவைத்துவிட்டு ஒருவர் அங்கிருந்து தப்பி ஓடும் காட்சி அருகில் உள்ள வர்த்தக நிலையம் ஒன்றின் சிசிரிவி கமராவில் பதிவாகி உள்ளது.

சம்பவ இடத்திலிருந்து இரண்டு பெற்றோல் கான்கள் மீட்கப்பட்டுள்ளன என்று பொலிஸார் தெரிவித்தனர்.

சம்பவம் தொடர்பில் பருத்தித்துறைப் பொலிஸார் விசாரணைகளை முன்னெடுத்துள்ளனர்.