தவறவிடாதீர்கள்..!உடனே பதிவு செய்யுங்கள்

ஈரானில் விபத்துக்குள்ளான உக்ரேன் விமானத்தின் கருப்பு பெட்டி மற்றும் அது தொடர்பான தகவல்களை அமெரிக்காவிடம் (போயிங்) ஒப்படைக்க மாட்டோம் என ஈரான் தெரிவித்துள்ளது.

ஈரானின் தெஹ்ரான் இமாம் கோமெய்னி சர்வதேச விமான நிலையத்திலிருந்து உக்ரேன் தலைநகர் கீவ் நோக்கிப் புறப்பட்ட  போயிங் 737 மெக்ஸ் ரக விமானமே சிறிது நேரத்தில் இவ்வாறு விபத்துக்குள்ளாகியுள்ளது.

உலகளாவிய விமானப் போக்குவரத்துத்துறை விதிகளின் கீழ், இந்த விபத்து குறித்து விசாரணையை வழிநடத்த இரானுக்கு உரிமை உண்டு என ஈரான் தெரிவித்துள்ளது.

இந்நிலையில் இதுபோன்ற விசாரணைகளில் அந்த விமானத்தை தயாரித்த நிறுவனமும், அதிலிருந்து கைப்பற்றப்பட்ட கருப்பு பெட்டியில் உள்ள தகவல்களை ஆய்வு செய்யும் திறன் பெற்ற சில நாடுகளும் ஈடுபடுவது வழக்கமானது.

இந்நிலையில், "விபத்துக்குள்ளான விமானத்தின் கருப்பு பெட்டியை நாங்கள் அதன் உற்பத்தியாளரிடமோ அல்லது அமெரிக்கர்களிடமோ ஒப்படைக்கமாட்டோம்" என்று இரானின் விமானப்போக்குவரத்து அமைப்பின் தலைவர் அலி அபெட்ஸாதே தெரிவித்துள்ளதாகச் செய்திகள் வெளியாகியுள்ளன.