தவறவிடாதீர்கள்..!உடனே பதிவு செய்யுங்கள்

இந்தியா-இலங்கை இடையே கவுகாத்தியில் நேற்று நடைபெறவிருந்த முதலாவது இருபதுக்கு - 20 போட்டி மழையால் ஒரு பந்து கூட வீசப்படாமல் ரத்து செய்யப்பட்டது.

இந்தியாவுக்கு சுற்றுப் பயணம் மேற்கொண்டுள்ள லசித் மலிங்கா தலைமையிலான இலங்கை கிரிக்கெட் அணி 3 போட்டி கொண்ட இருபதுக்கு - 20 ஓவர் தொடரில் ஆடுகிறது. 

இவ்விரு அணிகள் இடையிலான போட்டி அசாம் மாநிலம் கவுகாத்தியில் உள்ள பார்சாபாரா மைதானத்தில் நேற்றிரவு 7 மணிக்கு தொடங்கி நடக்க இருந்தது.

இதில் நாணய சுழற்சியில் வெற்றிபெற்ற இந்திய அணித் தலைவர் விராட் கோலி முதலில் பந்து வீசுவதாக அறிவித்தார். 

ஆனால் ஆட்டம் தொடங்குவதற்குள் மழை குறுக்கிட்டது. இதனால் மழை ஓய்ந்ததும் ஆடுகளத்தை உலர வைக்கும் பணியில் தாமதம் ஏற்பட்டது. ஆடுகளத்தை காய வைக்க பல்வேறு முயற்சிகள் முன்னெடுக்கப்பட்டன.

எனினும் எதிர்பார்த்த அளவுக்கு ஆடுகளத்தை உலர வைக்க முடியவில்லை. 

அதிக ஈரப்பதம் இருந்ததால் வேறு வழியின்றி இரவு 9.45 மணிக்கு இந்த ஆட்டத்தை கைவிடுவதாக நடுவர்கள் அறிவித்தனர். இதனால் ரசிகர்கள் மிகுந்த ஏமாற்றத்தோடு கலைந்து சென்றனர். 

இந்தியா-இலங்கை மோதும் 2  ஆவது போட்டி இந்தூரில் நாளை இரவு 7 மணிக்கு ஆரம்பமாகவுள்ளது.