தவறவிடாதீர்கள்..!உடனே பதிவு செய்யுங்கள்

அவிசாவளை கொஸ்கம - சலாவ இராணுவ முகாமிலுள்ள ஆயுதக் களஞ்சியசாலையில் ஏற்பட்ட தீயை கட்டுபாட்டுக்குள் கொண்டு வந்துள்ள இராணுவத்தினர் முகாமுக்குள் இன்று காலை பிரவேசித்து தேடுதல் பணிகளை முன்னெடுத்து வருகின்றர்.

மேலும் குறித்த விபத்து சம்பவத்தால் இதுவரை ஒருவர் உயிரிழந்துள்ளதாகவும் 47 பேர் படுகாயமடைந்துள்ளதாகவும் தெரிவிக்கப்படுகின்றது.

இதேவேளை வெடிப்பு சம்பவத்தால் சிதறிச் சென்ற வெடிப்பொருட்களால் கொஸ்கம பிரதேசத்தில் உள்ள பாடசாலைகள், வீடுகள், வைத்தியசாலைகள் வீட்டில் இருந்த பொருட்கள் மற்றும் வாகனங்கள் என அனைத்தும் சேமாகியுள்ளன. 

மேலும் வெடிப்புக்கு உள்ளான பொருட்களின் சிதறல்கள் மற்றும் பாரிய வெடிப் பொருட்கள் பிரதேசத்தின் பல பகுதிகளிலுல் சிதறி காணப்படுகின்றன.

தற்போது வெடிப்புச் சம்பவம் நிகழ்ந்த பகுதியை பார்வையிடுவதற்காக  மக்கள் அங்கு வருகைத் தருவதாகவும் இதனால் இப் பகுதியில பாரிய வாகன நெரிசல் ஏற்பட்டுள்ளதோடு தமது பணிகளுக்கு இடையூறு ஏற்பட்டுள்ளதாக இராணுவத்தினர் தெரிவிக்கின்றனர்.

எனவே இராணுவ முகாம் அமைந்திருக்கும் பகுதியிலிருந்து ஒரு கிலோ மீற்றர் தூரத்திற்கு அப்பால் இருக்குமாறு மக்களுக்கு வேண்டுகோள் விடுக்கப்பட்டுள்ளது.

மேலும் விமானப்படைக்கு சொந்தமான 212 என ஹெலிகொப்படர் இன்று காலை கொஸ்கம பகுதியில் கண்காணிப்பு பணியில் ஈடுபடுத்தப்பட்டுள்ளமை குறிப்பிடத்தக்கது.