வடக்கு, கிழக்குக்கு வெளியே போட்டியிடும் சாத்தியம் கூட்டமைப்புக்கு இருப்பதை போல, வடக்கு, கிழக்கு மாகாணங்களில் போட்டியிடும் சாத்தியம் தமிழ் முற்போக்கு கூட்டணிக்கும் இருக்கிறது. இதுபற்றியும் நாம் ஆராய்கிறோம் என்று தமிழ் முற்போக்கு கூட்டணியின் தலை வரும் முன்னாள் அமைச்சருமான மனோ கணேசன் தெரிவித்துள்ளார்.
தமிழ் தேசிய கூட்டமைப்பு, வடக்கு– கிழக்கு மாகாணங்களுக்கு வெளியே போட்டியிடவுள்ளதாக தெரிவிக்கப்படுகின்றமை குறித்தே அவர் இவ்வாறு குறிப்பிட்டுள்ளார்.
அவர் இது தொடர்பில் மேலும் தெரிவித்துள்ளதாவது,
தமிழ் தேசிய கூட்டமைப்பு, வடக்கு, கிழக்கு மாகாணங்களுக்கு வெளியே போட்டியிடும் சாத்தியம் பற்றி, தமிழரசுக் கட்சி தலைவர் மாவை எம்.பி. கூறியிருக்கிறார். இதுபற்றி ஊடகவியலாளர்கள் என்னிடம் திரும்ப, திரும்ப கேட்கிறார்கள்.
இன்று நேற்றல்ல, பல மாதங்களுக்கு முன்னமேயே நான் இதுபற்றி "கூட்டமைப்பு இங்கே வந்து தாராளமாக போட்டியிடட்டும். அதற்கான உரிமை அவர்களுக்கு இருக்கிறது" என கூறியுள்ளேன். இதை எம்.பி. மாவையிடம் நேரடியாகவே கூறியும் உள்ளேன்.
ஒருவேளை, நம்மு டன் இணைந்து போட்டியிட வேண்டுமென அவர்கள் விரும்புவார்களாயின், இதுபற்றி அதிகாரபூர்வமாக எமக்கு கூட்டமைப்பு எழுதுமானால் நாம் அது தொடர்பில் எமது அரசியல் குழுவில் கலந்துரையாடி எமது நிலைப்பாட்டை அறிவிக்கலாம்.
அதேபோல் வடக்கு–கிழக்குக்கு வெளியே போட்டியிடும் சாத்தியம் கூட்ட மைப்புக்கு இருப்பதைப்போல, வடக்கு– கிழக்கு மாகாணங்களில் போட்டியிடும் சாத்தியம், தமிழ் முற்போக்கு கூட்டணிக்கும் இருக்கிறது. இது பற்றியும் நாம் ஆராய்கிறோம்.
எதிர்வரும் பாராளுமன்றத்தில் எப்படி தமிழ் எம்.பி.க்களின் தொகையை அதிகரிக்கலாம் என்பது பற்றி கூட்டமைப்புடன் மட்டுமல்ல, அனைத்து அணி தமிழ் கட்சிகளுடனும் நாம் பேச விரும்பு கிறோம்.
இதுபற்றி ஜனவரி முதல் வாரத்தில் தமிழ் முற்போக்கு கூட்டணி அரசியல் குழு கூடி முடிவெடுக்கும்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM