மட்டக்களப்பு விமான நிலையத்தை சர்வதேச விமான நிலையமாக அபிவிருத்தி செய்ய நடவடிக்கை எடுத்துள்ளதாக முதலீட்டு ஊக்குவிப்பு, சுற்றுலா மற்றும் விமான போக்குவரத்து அமைச்சர் பிரசன்னா ரணதுங்க தெரிவித்துள்ளார்.
உள்நாட்டு விமான நிலையத்தை அபிவிருத்தி செய்வதற்கு இந்திய அரசும் தனது முழு ஒத்துழைப்பை வழங்கியுள்ளதாகவும், இது குறித்து இலங்கையில் உள்ள இந்திய உயர் ஸ்தானிகர் தரஞ்சித் சிங் சந்துவுடன் அண்மையில் கலந்துரையாடல் இடம்பெற்றதாகவும் அவர் கூறினார்.
மட்டக்களப்பு விமான நிலையத்தை சர்வதேச விமான நிலையமாக அபிவிருத்தி செய்வதற்கு எடுக்கப்பட வேண்டிய நடவடிக்கைகள் குறித்தும், விமான நிலையத்தில் அபிவிருத்தி செய்யப்பட வேண்டிய பகுதிகள் குறித்தும் அறிக்கை எடுக்குமாறு அமைச்சர் சிவில் விமானப் போக்குவரத்து ஆணையகத்தில் கோரிக்கை விடுத்துள்ளார்.
மட்டக்களப்பு விமான நிலையம் சிவில் விமானப் போக்குவரத்துத் துறையால் 1958 இல் நிறுவப்பட்டது. நாட்டில் நிலவிய நிலைமை காரணமாக, இலங்கை விமானப்படை 1983 மார்ச் 27 அன்று விமான நிலையத்தை கையகப்படுத்தியது மற்றும் இலங்கை விமானப்படைக்கு ஒரு தளமாக செயல்பட்டது.
மே 31, 2016 முதல் சிவில் விமானப் போக்குவரத்து ஆணையத்திடம் ஒப்படைக்கப்பட்ட பின்னர், கடந்த அரசாங்கம் மட்டக்களப்பு உள்நாட்டு விமான நிலையத்தை மீண்டும் கட்டியெழுப்ப 1.4 பில்லியன் ரூபாய் செலவிட்டது.
விமான நிலையம் சிவில் விமானப் போக்குவரத்துக்காக மார்ச் 25, 2018 அன்று மீண்டும் திறக்கப்பட்டது. தினசரி உள்நாட்டு விமானங்களை காலை 8 மணி முதல் மாலை 6 மணி வரை இயக்குகிறது.
இந்தியாவிலிருந்து நேரடி விமான சேவைகள் கட்டுநாயக்க, யாழ்ப்பாணம் சர்வதேச விமான நிலையங்களிற்கு தற்போது இடம்பெறுகிறது. அதனடிப்படையில் மூன்றாவதாக மட்டக்களப்பிற்கும் நேரடி விமான சேவை ஏற்படுத்த நடவடிக்கை மேற்கொள்ளப்படுகின்றமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM