தவறவிடாதீர்கள்..!உடனே பதிவு செய்யுங்கள்

ஜப்பான் பிறப்பு விகிதம் இந்த ஆண்டு மிகவும் குறைந்து காணப்படுகிறது.

மிகவும் வேகமாக வளர்ச்சியடையும் நாடுகளில் ஒன்றான ஜப்பானில் அரசு வெளியிட்ட புள்ளிவிவரத்தில் மக்கள் தொகை எண்ணிக்கை குறைந்துள்ளதாக தெரிவிக்கப்பட்டுள்ளது.

2019ஆம் ஆண்டில் பிறந்த குழந்தைகளின் எண்ணிக்கை 8 லட்சத்து 64 ஆயிரமாகும். 1899 ஆம் ஆண்டு முதலான கணக்கெடுப்பில் இதுவே குறைந்தபட்சமாகும்.

கடந்த ஆண்டை விட 54 ஆயிரம் குழந்தைகள் இந்த ஆண்டில் குறைந்துள்ளனர். இதேபோல், கடந்த ஓராண்டில் உயிரிழந்தவர்களின் எண்ணிக்கை மிக அதிகமாக இருப்பதால் மக்கள் தொகையில் கணிசமான அளவுக்கு சரிவு காணப்படுகிறது.

மேலும், இதற்கு கூறப்படும் மற்றொரு முக்கிய காரணம் அதாவது ஜப்பானிய பெண்கள் வீட்டு வேலைகள் மற்றும் குழந்தைகளை பராமரிப்பதை பெரும் சுமையாக கருதுகின்றனர். பொருளாதார சுமையை சமாளிக்க கணவன் மனைவி இருவரும் வேலைக்கு செல்லும் சூழலில் ஒரு தாயாக இருப்பது கடினம்.

எனவே ஜப்பானிய இளம் பெண்களில் பலரும் திருமணம் செய்துகொள்வதற்குப் பதிலாக, தொடர்ந்து வேலை செய்வதையே விரும்புவதாக கூறப்படுகிறது.