தவறவிடாதீர்கள்..!உடனே பதிவு செய்யுங்கள்

(எம்.எப்.எம்.பஸீர்)

குற்றப் புல­னாய்வுத் திணைக்­களம் தன்னைக் கைது செய்ய முன்னர் முன் பிணையில் தன்னை விடு­விக்­கு­மாறு முன்னாள் அமைச்­சரும்  ஐக்­கிய தேசிய கட்சி பாரா­ளு­மன்ற உறுப்­பி­ன­ரு­மான ராஜித்த சேனா­ரத்ன இரண்­டா­வது தட­வை­யா­கவும் தாக்கல் செய்த முன் பிணைக் கோரிய மனு இன்று விசா­ர­ணைக்கு வர­வுள்­ளது.  

கொழும்பு  பிர­தான நீதிவான்  நீதி­மன்றில் இம்­மனு மீது இன்று விசார­ணைகள் இடம்­பெ­ற­வுள்­ளது.

ஏற்­க­னவே ராஜித்த சேனா­ரத்ன தாக்கல் செய்த முதல் முன் பிணை கோரிய மனு­வா­னது, தான் கைது செய்­யப்­படப்போவது எந்த சட்டப் பிரிவின் கீழ்,  எந்த குற்­றத்­துக்­காக என்­பதை குறித்த மனு­விலோ அல்லது முன்­வைக்­கப்­பட்­டுள்ள சத்­தியக் கட­தா­சி­யிலோ மனு­தாரர் தெரி­விக்­காத நிலையில், அது தொடர்பில் தீர்­மானம் எடுக்க முடி­யாது எனக்கூறி கொழும்பு பிர­தான நீதிவான் லங்கா ஜெய­ரத்ன கடந்த வெள்ளியன்று மனுவை  நிரா­க­ரித்­தி­ருந்தார்.

இந் நிலையில் அன்­றைய தினம்  மாலை மீள, முன்னாள் அமைச்சர் ராஜித்த சேனா­ரத்­ன­வினால் கொழும்பு பிர­தான நீதிவான் நீதி­மன்­றுக்கு முன் பிணைக் கோரி இரண்­டா­வது தட­வை­யா­கவும் மனு தாக்கல் செய்­யப்­பட்­டது.  

முன்னர் முன்­வைத்த மனு நிரா­க­ரிக்­கப்­பட்­ட­தை­ய­டுத்து , 1997 ஆம் ஆண்டின் 30 ஆம் இலக்க பிணை சட்­டத்தின் 21 ஆவது அத்தியாயத்துக்கு அமை­வாக,  முன்­னைய மனுவில் இருந்த வழுக்­களை திருத்தி இந்த மனு தாக்கல் செய்­யப்­பட்­டுள்­ளது.  இந் நிலையில் திருத்தி மீள தாக்கல் செய்­யப்­பட்­டுள்ள முன் பிணை மனு இன்று விசா­ர­ணைக்கு வர­வுள்­ளது.

கடந்த  2019 நவம்பர் மாதம் ராஜித்த சேனா­ரத்­ன­வுடன், ஊடகவியலாளர் சந்­திப்பில் கலந்து­கொண்ட  சரத் குமார, அதுல சஞ்ஜீவ மத­நா­யக்க எனும் இருவர் வெள்ளை வேன் கடத்தல், கொலை, தங்கக் கொள்ளை உள்­ளிட்ட பல்வேறு குற்­றங்கள் தொடர்பில் வெளிப்படுத்தி­யி­ருந்­தனர். 

இந் நிலையில் குறித்த இரு­வரும் தண்­டனை சட்டக் கோவையின்  102,113,209,296,314,315,331,351,367  ஆகிய அத்தியாயங்களின் கீழ் குற்றம் சுமத்­தப்­பட்டு கைது செய்­யப்­பட்டு விளக்­க­ம­றி­யலில் வைக்­கப்­பட்­டுள்­ளனர்.  

இந் நிலையில் குறித்த ஊட­க­வி­ய­லாளர் சந்­திப்பில்  முன்னாள் அமைச்சர் ராஜித்­தவின்  சொற்­ப­டியே தாம்  வெளிப்­ப­டுத்­திய தகவல்களை கூறி­ய­தா­கவும், அதற்­காக தலா 10 இலட்சம் ரூபா பணம் பெற்­ற­தா­கவும் சந்­தேக நபர்கள் இரு­வரும் சி.ஐ.டி.க்கு வாக்கு மூலமளித்துள்ளனர். 

இந் நிலையிலேயே ராஜித்தவை சி.ஐ.டி. கைது செய்யலாம் எனும் சூழல் நிலவும் நிலையில் அவர் முன் பிணை கோரி மனு தாக்கல் செய்துள்ளமை குறிப்பிடத்தக்கது.