தவறவிடாதீர்கள்..!உடனே பதிவு செய்யுங்கள்

நகைச்சுவை நடிகர். இசையமைப்பாளர். பாடகர். குணச்சித்திர நடிகர் என பன்முகத் திறமை வாய்ந்த நடிகர் பிரேம்ஜி அமரன் இயக்குனர் சுரேஷ் சங்கையா இயக்கத்தில் உருவாகும் பெயரிடப்படாத படத்தில் கதையின் நாயகனாக நடிக்கிறார்.

ஒரு கிடாயின் கருணை மனு என்ற படத்தை இயக்கியதன் மூலம் தமிழ் ரசிகர்களின் கவனத்தை ஈர்த்தவர் இயக்குநர் சுரேஷ் சங்கையா அவரது இயக்கத்தில் தயாராகும் புதிய திரைப்படத்தில் கதையின் நாயகனாக நடிக்க நடிகர் பிரேம்ஜி அமரன் ஒப்பந்தமாகியிருக்கிறார்.

இவருக்கு ஜோடியாக வலைத்தளத் தொடர் நடிகை ஸ்வயம் சித்தா நடிக்கிறார். இவர்களுடன் பிக் பொஸ் சீசன் 3 புகழ் ரேஷ்மா மற்றும் எண்பது வயது நடிகையான மாயக்கா ஆகியவர்களும் நடிக்கிறார்கள். இப்படத்திற்கு ஆர்வி சரண் ஒளிப்பதிவு செய்ய. அந்தோணிதாசன் இசையமைக்கிறார். சூப்பர்டாக்கீஸ் என்ற பட நிறுவனம் மூலம் தயாரிப்பாளர் சமீர் பரத் ராம் தயாரிக்கிறார்.

படத்தைப் பற்றி இயக்குனர் பேசுகையில்,“ சிறிய நகரங்கள் மற்றும் அதன் சுற்றுப்புற வட்டாரத்திலுள்ள பொலிஸ் நிலையங்களும், நீதிமன்றங்களும் எப்படி செயற்படுகின்றன என்பது குறித்தும், கதையின் நாயகன் பிரேம்ஜி அமரனுக்கும்,  80 வயது முதிய பெண்மணி ஒருவருக்கும் இடையே ஏற்படும் சுவராசியமான சம்பவங்களே இப்படத்தின் கதை.” என்றார்.

இப்படத்தின் படப்பிடிப்பு தற்பொழுது தமிழக நகரான அருப்புக்கோட்டையில் நடைபெற்று வருகிறது.