கொழும்பு மாந­கர சபையின் 150ஆவது ஆண்டு விழாவை முன்­னிட்டு இலங்­கையின் முன்னணி 8 கால்பந்தாட்ட அணிகள் மோதும் மேயர்ஸ் கிண்ணக் கால்­பந்­தாட்டத் தொடர் நடைபெறவிருக்கின்றது.

இத்தொடரை கொழும்பு மாந­கர சபையின் விளை­யாட்­டுத்­துறை ஏற்­பாடு செய்­துள்­ளது. இதில் இலங்­கையின் முன்­னணி கால்­பந்து கழக அணி­க­ளான ஜாவா லேன், சௌண்டர்ஸ், புளூ ஸ்டார், கலம்போ எவ்.சி., சுப்பர் சன், ரினோன், கிறிஸ்டல் பெலஸ் ஆகிய அணிகள் பங்­கு­பற்­று­கின்­றன. இதில் எட்­டா­வது அணி­யாக மேயர்ஸ் லெவன் அணி கலந்­து­கொள்­கி­றது.

இது குறித்த ஊட­க­வி­யலாளர் சந்­திப்பு நேற்று கொழும்பு மேயர் இல்­லத்தில் நடை­பெற்­றது. இதில் கொழும்பு மாநகர மேயர் ஏ.ஜே.எம். முஸம்மில் மற்றும் பிரதி மேயர், எதிர்க்­கட்சி தலைவர் மற்றும் இலங்கை கால்­பந்­தாட்ட சம்­மே­ள­னத்தின் தலைவர் அனு­ர டி சில்வா மற்றும் சம்­மே­ள­னத்தின் செய­லாளர் ஆகி­யோரும் கலந்­து­கொண்­டனர்.

இதில் பேசிய கொழும்பு மேயர் முஸம்மில், மேயர்ஸ் கிண்ணம் என்ற பெயரில் கால்­பந்­தாட்டப் போட்­டிகள் ஆரம்ப காலத்தில் நடை­பெற்­று­வந்­தன. அது கடந்த சில வரு­டங்­க­ளாக நடை­பெ­ற­வில்லை. அதை நாம் மீண்டும் ஆரம்­பித்­தி­ருக்­கின்றோம். கால்­பந்­தாட்டம் என்­பது எமக்கு மிகவும் நெருக்­க­மான ஒரு விளை­யாட்டு. அதேபோல் கால்­பந்­தாட்­டத்தை ஊக்­கு­விக்கும் கட­மையும் எமக்கு இருக்­கி­றது அதனால் கொழும்பு மாந­கர சபை­யி­னூ­டாக இந்த கிண்ணத் தொடரை நடத்­து­கிறோம். எதிர்­கா­லத்தில் விளை­யாட்­டுத்­து­றைக்கு பல சேவை­களை­யாற்ற நாம் காத்­தி­ருக்­கிறோம் என்றார்.

இந்தத் தொடர் எதிர்­வரும் 6ஆம் திகதி முதல் 12ஆம் திக­தி­ வரை கொழும்பு சுகத­தாச அரங்கில் நடை­பெ­ற­வி­ருக்­கி­றது. இதில் முதல் சுற்றில் ஒவ்­வொரு அணி­களும் நொக்­அவுட் சுற்றில் மோதும். அதன்­பி­றகு அரை­யி­று­திப்­போட்­டியில் பலப்­ப­ரீட்சை நடத்தி இறுதிப் போட்டிக்கு தெரிவாகும் அணிகள் 12ஆம் திகதி நடை­பெ­றவிருக்கின்ற இறுதிப் போட்டி யில் விளையாடவுள்ளன.

இதில் சம்­பி­ய­ னாகும் அணிக்கு வெற்­றிக்­கிண்­ண மும் 5 இலட்சம் ரூபா பணப்­ப­ரிசும் வழங்கப்படவிருக்கிறது. அதேவேளை இரண்டாமிடத்தைப் பெறும் அணிக்கு வெற்றிக்கிண்ணத் தோடு 3 இலட்சம் பணப்பரிசும் வழங்கப்படவுள்ளமை குறிப்பிடத்தக்கது.