தவறவிடாதீர்கள்..!உடனே பதிவு செய்யுங்கள்

லிந்துலை பொலிஸ் பிரிவுக்குட்பட்ட நோனாத்   தோட்டத்தில் ஐந்து மாதங்களுக்கு முன் இறந்த ஒருவரின் சடலம்  (63 வயது பிச்சை ஜெகநாதன்) இன்று மீண்டும் தோண்டி எடுக்கப்பட்டுள்ளது.

குறிப்பாக பிச்சை ஜெகநாதன் என்பவர் 24.7.2019 அன்று இறந்துள்ளார் . இவர் ஒரு பிள்ளையின் தந்தையாவார்.  இவரின் மரணத்தில் சந்தேகம் ஏற்பட்டதையடுத்து அவரின் மருமகன்  நடராஜ் ரமேஷினால் லிந்துலை பொலிஸ் நிலையத்தில் ஒகஸ்ட் 8 ஆம் திகதியன்று முறைபாடு ஒன்றை செய்தார் இறக்கும் போது இறந்தவரால் எழுதப்பட்ட கடிதத்தை ஆதாரமாகக் கொண்டே புகார் செய்யப்பட்டது.

தொடர்ந்து கொழும்பில் அமைந்துள்ள பொலிஸ் தலைமையகத்தில் ஒகஸ்ட் 22 ஆம் மேலும் ஒரு முறைப்பாட்டினை மருமகனால் செய்யப்பட்டது.  அதனையடுத்து செப்டெம்பர் 2 ஆம் திகதி நுவரெலியா மாவட்ட பொலிஸ் தலைமையகத்தில்  விசாரனை நடை பெற்றது. அதன் பின்னர் டிசம்பர் 3 ஆம் திகதியன்று  நுவரெலியா நீதவான் நீதிமன்றில் இவ்விடயம் விசாரனைக்காக எடுத்துக் கொள்ளப்பட்டது. 

அதனையடுத்து டிசம்பர் 5  ஆம் திகதி நுவரெலியா மாவட்ட நீதவான் பிரமோதய ஜயசேகர குறித்த நபரின் சடலத்தை தோண்டி எடுக்குமாறு பொலிஸாருக்கு உத்தரவிட்டார்.

அதனையடுத்து டிசம்பர் 9 ஆம் திகதியான இன்று மாவட்ட நீதவானின் நேரடி கண்காணிப்பில் சடலம் தோண்டப்பட்டது. 

இதன் போது நுவரெலியா மாவட்ட  பொலிஸ் தலைமையகத்தின் தடயவியல் உத்தியோகத்தர்கள்  விசேட மருத்துவ நிபுனர் கிராம உத்தியோகத்தர்கள் மற்றும் லிந்துலை பொலிஸாரும் உடனிருந்தனர்.