அமெரிக்காவானது பிரான்ஸிலிருந்து தனது நாட்டுக்கு இறக்குமதி செய்யப்படும் 2.4 பில்லியன் அமெரிக்க டொலர் பெறுமதியான பொருட்கள் மீது 100 சதவீதத்திற்கும்அதிகமான வரிகளை விதிக்கப் போவதாக நேற்று செவ்வாய்க்கிழமை அச்சுறுத்தல் விடுத்துள்ளது.
தனது நாட்டின் இலத்திரனியல் சேவைகள் மீது பிரான்ஸால் விதிக்கப்பட்ட வரிகளுக்கு பதிலடி கொடுக்கும் வகையிலேயே இந்நடவடிக்கை முன்னெடுக்கப்பட்டுள்ளதாக அமெரிக்கா தெரிவிக்கிறது.
எதிர்வரும் ஆண்டு ஜனவரி மாத மத்தியிலிருந்து அமுலாக்கம் செய்யப்படவுள்ளதாக எதிர்பார்க்கப்படும் வரிகள் பிரான்ஸிலிருந்து இறக்குமதி செய்யப்படும் வைன் பானங்கள், யோக்கட், பாலாடைக்கட்டிகள் உள்ளடங்கலான ஒரு தொகை பொருட்களை இலக்கு வைத்து முன்னெடுக்கப்பட் டுள்ளதாக கூறப்படுகிறது.
கூகுள், பேஸ்புக் மற்றும் அமேஸன் போன்ற அமெரிக்க தொழில்நுட்ப கம்பனிகள் தொடர்பான இலத்திரனியல் வரி விதிப்புகளை அமெரிக்க வியாபார பிரதிநிதி அலுவலகம் கண்டறிந்துள்ளதாக தகவலொன்று வெளியானதையடுத்தே அமெரிக்கா இந்த அச்சுறுத்தலை விடுத்துள்ளமை குறிப்பிடத்தக்கது.
அமெரிக்கக் கம்பனிகள் மீது பாகுபாடான முறையில் தேவையற்ற சுமைகளை சுமத்தும் இலத்திரனியல் வரிகளுக்கு எதிராக அமெரிக்கா நடவடிக்கை எடுக்கும் என்பதற்கான தெளிவான சமிக்ஞையை அனுப்புவதாக அமெரிக்காவின் இந்தத் தீர்மானம் உள்ளதாக அமெரிக்க வியாபாரங்கள் தொடர்பான பிரதிநிதி ரோபேர்ட் லைட்திஸர் தெரிவித்தார்.
அதேசமயம் ஆஸ்திரியா, இத்தாலி மற்றும் துருக்கி ஆகிய நாடுகளிலான இதையொத்த வரிகளை கண்டறிய விசாரணையை விரிவுபடுத்த அமெரிக்கா உத்தேசித்துள்ளதாக அவர் கூறினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM