தவறவிடாதீர்கள்..!உடனே பதிவு செய்யுங்கள்

நகரும் படிக்கட்டொன்றை பழுது பார்த்துக்கொண்டிருந்த நபரொருவர் படி உடைந்து விழுந்ததால் அதன் உள்ளே சிக்கிய சம்பவம் சீனாவில் இடம்பெற்றுள்ளது.

சம்பவம் குறித்து தெரியவருவதாவது,

இளைஞனொருவன் நகரும் படிக்கட்டை பழுது பார்த்துக்கொண்டு இருந்தபோது,  படியொன்று உடைந்து கீழே விழுந்துள்ளது. இதனை சற்றும் எதிர்பார்க்காத இளைஞன் குறித்த படிக்கட்டிற்குள் சிக்கியுள்ளார்.  

இதேவேளை, நகரும் படிக்கட்டானது இயங்கியுள்ளதுடன் அதனை அவதானித்த நபரொருவர் விரைந்துசென்று அதனை செயலிழக்கச்செய்துள்ளார். 

குறித்த விபத்தில் சிக்கிய நபரை மிகுந்த சிரமத்திற்கு பின்னர் தீயணைப்புப்பிரிவு அதிகாரிகள் மீட்டுள்ளனர்.

குறித்த நபர் தற்போது பலத்த காயங்களுடன் ஆபத்தான நிலையில் வைத்தியசாலையில் சிகிச்சைபெற்று வருவதாக சீன ஊடகங்கள் தெரிவிக்கின்றன.