தவறவிடாதீர்கள்..!உடனே பதிவு செய்யுங்கள்

(சசி)

சர்வதேச புகைத்தல்  மற்றும் மது எதிர்ப்பு தினத்தை முன்னிட்டு புளியந்தீவு சமுர்த்தி வங்கி சங்கத்தின்  ஏற்பாட்டில்  மட்டக்களப்பு  நகர் மணிக் கூட்டு கோபுர சந்தியில் கண்டன  பேரணியொன்று இடம்பெற்றது.

இதன் போது  மட்டக்களப்பு  பிரதேச செயலாளர்  தவராஜவுக்கு  புகைத்தல்  மற்றும் மது எதிர்ப்பு  கொடியினை  வழங்கி   ஆரம்பித்த பேரணி  காந்தி  பூங்கா  வரைக்கும்  சென்றது .

இந்த பேரணியில் புகைத்தல்  மற்றும் மது போன்ற வற்றால்  ஏற்படும் விளைவுகள் தொடர்பான விழிப்புணர்வு  பதாதைகளை ஏந்தியவாறு கண்டன பேரணியில் ஆர்ப்பாட்டக்காரர்கள் ஈடுபட்டனர்.

இந்த நிகழ்வுக்கு முகாமைத்துவ  உதவியாளர் கிரிதரன் நிர்மலா ,மகா சங்க முகாமையாளர் வாமதேவன் கலைச் செல்வி மற்றும் மட்டக்களப்பு  மாவட்ட பிரதேச செயலாளர் தவராஜா மற்றும் பொதுமக்கள் எனப் பலரும் கலந்துகொண்டமை  குறிப்பிடத் தக்கது.