புதிய அரசின் அபிவிருத்திப் பணிகளுக்கு தமிழ் தேசியக் கூட்டமைப்பு ஒத்துழைப்பு வழங்கத் தயார் -  சுமந்திரன் 

Published By: Digital Desk 4

26 Nov, 2019 | 04:27 PM
image

இந்தியாவுக்கு முன்னர் வழங்கிய வாக்குறுதியின் அடிப்படையில் அதிகாரப் பகிர்வை அர்த்தமுள்ளதாக்கும் நடவடிக்கை, அரசியல் கைதிகளின் விடுதலை, காணாமல் ஆக்கப்பட்டோரின் நீதி, காணி விடுவிப்பு, இளையோருக்கான வேலைவாய்ப்பு மற்றும் அபிவிருத்திப் பணிகளுக்கு தமிழ் தேசியக் கூட்டமைப்பு புதிய அரசுக்கு ஒத்துழைப்பு வழங்கத் தயார்.

இவ்வாறு கூட்டமைப்பின் பேச்சாளரான பாராளுமன்ற உறுப்பினர் எம்.ஏ.சுமந்திரன் தெரிவித்தார்.

யாழ்ப்பாணத்தில் இன்று நடத்திய செய்தியாளர் சந்திப்பிலேயே அவர் இதனைத் தெரிவித்தார்.

அவர் மேலும் தெரிவித்ததாவது;

புதிய அரசு சரியான நடவடிக்கைகளை எடுக்கும் போது நாம் அவற்றுக்கு எதிப்புத் தெரிவிக்கமாட்டோம்.

ஏற்கனைவே இடைநடுவில் நிற்கும் புதிய அரசியலமைப்புத் தயாரிப்பை முன்னெடுக்க அரசு நடவடிக்கை எடுத்தால் நாம் ஆதரவளிப்போம்.

அதிகாரப் பகிர்வை அர்த்தமுள்ளதாக்குவதற்கு அவர்கள் இந்தியாவுக்கு முன்னர் வழங்கிய வாக்குறுதியை நிறைவேற்ற நடவடிக்கை எடுத்தால் நாம் ஆதரவளிப்போம்.

புதிய அரசின் ஒவ்வொரு செற்பாட்டையும் அவதானித்து ஆதரவளிப்பதா எதிர்ப்பதா என்று முடிவெடுப்போம்.

எமது பிரச்சினைகள் தொடர்பில் நாம் ஏற்கனவே முன்வைத்துள்ளோம். அவை தொடர்பில் புதிய அரசுக்கும் தெரியும். அரசியல் தீர்வு பிரதானமானது. அன்றாடப்பிரச்சினைகளும் மிக முக்கியமானவை.

மிக முக்கியமான விடயங்கள் மூன்றை முன்வைத்துள்ளோம். அவற்றுக்குத் தீர்வு காணப்படவேண்டும். இன்னும் பலவற்றுக்குத் தீர்வு காணப்படவேண்டும்.

அரசியல் கைதிகள் அனைவரும் விடுவிக்கப்படவேண்டும்.

காணாமல் ஆக்கப்பட்டோரின் உறவினர்களுக்கு நீதி துரிதமாகக் கிடைக்கவேண்டும். குறிப்பாக காணாமல் ஆக்கப்பட்டோரில் ஒவ்வொருவருக்கும் என்ன நடந்தது எனக் கண்டறியப்படவேண்டும். அவர்களது உறவினர்களின் வாழ்க்கை காலதாமதமின்றி முன்னெற்றப்படவேண்டும்.

இராணுவத்தினரின் பிடிக்குள் தற்போதும் இருக்கும் பொதுமக்களின் காணிகள் விடுவிகப்படவேண்டும்.

அத்துடன், எமது இளையோரின் வேலைவாய்ப்பு மற்றும் அபிவிருத்தியும் மிக முக்கியமான விடங்களாகவும். அவற்றுக்கும் நாம் புதிய அரசுக்கு ஒத்துழைப்பு வழங்கத் தயார் – என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

தோட்டத் தொழிலாளர்களுக்கு அடிப்படை நாட்சம்பளமாக 2000...

2024-03-29 01:56:33
news-image

இணையவழி சிறுவர் துஷ்பிரயோகங்களை அறிக்கையிடும் புதிய...

2024-03-29 01:47:30
news-image

பழுதடைந்த உருளைக்கிழங்கு விவகாரம் : மாகாண...

2024-03-29 01:39:20
news-image

இரண்டு மாதங்களில் 983.7 மில்லியன் ரூபா...

2024-03-29 01:36:37
news-image

இராஜாங்க அமைச்சர் சிவநேசதுரை சந்திரகாந்தன் கிளிநொச்சி...

2024-03-29 01:27:15
news-image

அஜித் நிவாட் கப்ரால் உள்ளிட்ட ஐவருக்கு...

2024-03-29 00:17:44
news-image

தேர்தலை தீர்மானிக்க பஷில் ராஜபக்ஷ தேர்தல்...

2024-03-29 00:05:03
news-image

இரண்டாம் காலாண்டுக்குள் கடன்மறுசீரமைப்பு தொடர்பில் இணக்கப்பாடு...

2024-03-28 21:32:55
news-image

பரந்துப்பட்ட அரசியல் கூட்டணியின் ஜனாதிபதி வேட்பாளராக...

2024-03-28 21:31:49
news-image

தேர்தல் செலவின ஒழுங்குபடுத்தல் சட்டம் குறித்து...

2024-03-28 21:37:50
news-image

நாமலுக்கு இன்னும் காலம் இருக்கிறது ;...

2024-03-28 21:33:56
news-image

பாராளுமன்றத்தைப் பிரதிநிதித்துவப்படுத்தாத பதிவு செய்யப்பட்ட அரசியல்...

2024-03-28 21:26:04