சொந்த வீட்டிலேயே தங்குவதற்கு விரும்பும் ஜனாதிபதி கோத்தாபய

25 Nov, 2019 | 11:48 AM

ஜனாதிபதி கோத்தபாய ராஜபக்ஷ, தமது பதவிக்காலத்தில் அதிகாரபூர்வ வதிவிடமான, ஜனாதிபதி மாளிகையிலோ அல்லது வேறு அரசாங்க வதிவிடங்களிலோ குடியேறுவதில்லை என்று முடிவு செய்துள்ளார்.

நுகேகொடை, மிரிஹானவில் உள்ள தமது சொந்த வீட்டிலேயே தொடர்ந்தும் தங்கியிருக்கப்போவதாக அவர் தெரிவித்துள்ளார். அரசாங்க விவகாரங்களை நிறை வேற்றுவற்கு மாத்திரமே ஜனாதிபதி மாளிகையை பயன்படுத்தப் போவதாகவும் வேறு எந்த அரசாங்க வதிவிடங்களும் தனக்கு தேவையில்லை என்றும் அவர் கூறியுள்ளார்.

புதிய ஜனாதிபதியாகப் பொறுப்பேற்ற பின்னர், கோத்தபாய ராஜபக் ஷ ஜனாதிபதி செயலக ஆளணியை 2500 இல் இருந்து 250 ஆக குறைக்க உத்தரவிட்டார்.

அத்துடன் தமது பாதுகாப்பு வாகன அணியின் எண்ணிக்கையைக் குறைக்கு மாறும், பயணங்களின் போது வீதித் தடை களை ஏற்படுத்தக் கூடாது என்றும் அவர் அறிவுறுத்தியுள்ளார் என்பது குறிப்பிடத் தக்கது.