தவறவிடாதீர்கள்..!உடனே பதிவு செய்யுங்கள்

கொழும்பு மாவட்டத்தின் பல பகுதிகளுக்கு நீர் விநியோகம் தடைசெய்யப்படும் எனவும் மேலும் சில பகுதிகளில் குறைந்த அழுத்தத்துடன் நீர் விநியோகிக்கப்படும் எனவும், தேசிய நீர்வழங்கல் வடிகாலமைப்புச் சபை தெரிவித்துள்ளது.

அதன்படி மருதானை, மாளிகாவத்தை, கொழும்பு கோட்டை, புறக்கோட்டை, சிற்றம்பலம் கார்டினர் மாவத்தை மற்றும் டி.ஆர்.விஜேவர்தன மாவத்தை ஆகிய பகுதிகளிலேயே இவ்வாறு நீர் விநியோகம் தடைசெய்யப்பட்டுள்ளது.

இதேவேளை கொள்ளுப்பிட்டி, கொழும்பு 12 மற்றும் 13 ஆகிய பகுதிகளுக்கு இன்று நள்ளிரவு முதல் குறைந்த அழுத்தத்துடன் நீர் விநியோகிக்கப்படும்.

கொழும்பு - அவிசாவளை பழைய வீதியில் உள்ள நீர் குழாயின் திருத்தப் பணி காரணமாகவே இவ்வாறு நீர் விநியோகம் தடைசெய்யப்பட்டுள்ளது.

அத்துடன் கொழும்பு - அவிசாவளை வீதியை பயன்படுத்தும் பொதுமக்கள் அங்கோடவிலிருந்து அம்பதெனிய வரை வீதி மூடப்பட்டுள்ளமையினால் மாற்று வீதிகளை பயன்படுத்துமாறும் கேட்டுக் கொள்ளப்பட்டுள்ளனர்.