தவறவிடாதீர்கள்..!உடனே பதிவு செய்யுங்கள்

(எம்.எப்.எம்.பஸீர்)

ஐக்கிய அமெரிக்காவின் மிலேனியம் செலஞ் கோப்ரேஷன் ஊடாக 480 மில்லியன் அமெரிக்க டொலர்களை இலங்கை அரசாங்கத்துக்கு பெற்றுக்கொள்ள அனுமதிக்கும் வகையில் ஒப்பந்தத்தில் கைச்சாத்திடுவதன் ஊடாக அரசியலமைப்பு உறுப்புரைகள் மீறப்படுவதாக அறிவிக்குமாறும் அந்த ஒப்பந்தம் செயற்படுத்தபப்டுவதை தடுக்கும் வகையிலான இடைக்கால தடையுத்தரவை பிறப்பிக்கக்  கோரியும் தாக்கல் செய்யப்பட்டுள்ள மூன்று  அடிப்படை மனித உரிமை மீறல் மனுக்களையும்  ஐவர் கொண்ட நீதியர்சர்கள் குழாம் முன்னிலையில் பரிசீலனை செய்ய பிரதம நீதியர்சர் ஜயந்த ஜயசூரிய தீர்மனைத்துள்ளார்.

அதன்படி நாளை மறுதினம் இந்த மூன்று அடிப்படை உரிமை மீறல் மனுக்களும் நீதியரசர்புவனேக அலுவிஹாரே தலைமையிலான எல்.டி.பி. தெஹிதெனிய, முர்து பெர்னாண்டோ, எஸ். துரைராஜா மற்றும் காமினி அமரசேகர ஆகியோர் அடங்கிய நீதியர்சர்கள் குழாம் முன்னிலையில் பரிசீலனைக்கு எடுத்துக்கொள்ளப்படவுள்ளது.

 அரச வைத்திய அதிகாரிகள் சங்கத்தின் தலைவர் விஷேட வைத்திய நிபுணர் அனுருத்த பாதெனிய,  சட்டத்தரணி தர்ஷன வேரதுவகே மற்றும் பெளத்த தகவல் கேந்திர நிலையத்தின் வணக்கத்திற்குரிய அங்குருவெல்ல ஜீனானந்த தேரர் ஆகியோரால் தாக்கல் செய்யப்பட்ட அடிப்படை உரிமை மீறல் மனுக்களே இவ்வாறு ஐவர் கொன்ட நீதியர்சர்கள் குழாம் முன்னிலையில் பரிசீலனைக்கு எடுத்துக்கொள்ளப்படவுள்ளன.