தவறவிடாதீர்கள்..!உடனே பதிவு செய்யுங்கள்

கிராமத்து நாயகன் ராஜ்கிரண் மற்றும் மலையாள சுப்பர் ஸ்டார் மம்மூட்டி இருவரும் முதன்முறையாக இணைந்து நடித்திருக்கும் படத்திற்கு ‘குபேரன்’ எனப் பெயரிடப்பட்டிருக்கிறது.

அறிமுக இயக்குனர் அஜய் வாசுதேவ் இயக்கத்தில் தமிழ் மற்றும் மலையாளம் ஆகிய இரண்டு மொழிகளில் ஒரே நேரத்தில் தயாராகியிருக்கும் திரைப்படம் ‘குபேரன்’. இந்த படத்திற்கு மலையாளத்தில் ‘ஷைலொக்’ எனப் பெயரிடப்பட்டிருக்கிறது.

இப்படத்தில் மலையாள நடிகர் மம்முட்டி, பணக்கார கஞ்சனாக நடிக்க, அவருக்கு இணையான வலிமையான கதாபாத்திரத்தில் ராஜ்கிரண் நடிக்கிறார். இதில் ராஜ்கிரணுக்கு ஜோடியாக நடிகை மீனா நடித்திருக்கிறார்.

நடிகர் ராஜ்கிரணுக்கு ஜோடியாக 28 ஆண்டுகளுக்கு முன் வெளியான ‘என் ராசாவின் மனசிலே’ என்ற படத்தில் நடிகை மீனா இணைந்து நடித்திருக்கிறார். அதன்பிறகு இவ்விருவரும் இணைந்து நடிக்கும் புதிய திரைப்படம் ‘குபேரன்’ இப்படத்தின் பணிகள் நிறைவடைந்து அடுத்த மாதம் வெளியிடப்படும் என்று அறிவிக்கப்பட்டிருக்கிறது. இப்படத்திற்கு கோபி சுந்தர் இசையமைக்கிறார்.

மம்மூட்டி, ராஜ்கிரண் இணைந்து நடித்திருக்கும் இப்படத்திற்கு தற்போதே பெரும் எதிர்பார்ப்பு உருவாகியிருக்கிறது.