தவறவிடாதீர்கள்..!உடனே பதிவு செய்யுங்கள்

(ஆர்.விதுஷா)

கொழும்பில் நேற்றைய தினம் முன்னெடுக்கப்பட்ட ஆர்ப்பாட்டத்தின்போது கைதுசெய்யப்பட்ட மாணவர்களை விதைலை செய்யக்கோரி அனைத்து பல்லைக்கழகங்களுக்கு முன்பாக ஆர்ப்பாட்டம் மேற்கொள்ளப் போவதாக அனைத்து பல்கலைக்கழக மாணவர் ஒன்றியம் எச்சரிக்கை விடுத்துள்ளது.

மஹபொல புலமைப்பரிசில் தவணைத்தொகையை அதிகரித்தல்,  மஹாபொல கொடுப்பனவின்போது குறைவாக நிதி வழங்கலை  நிறுத்தல், காலதாமதம் இன்றி கொடுப்பனவுகளை வழங்கல் ஆகிய  கோரிக்கைகளை முன்வைத்து நேற்று கொழும்பில்  பல்கலைக்கழக  மாணவர்கள் ஒன்றியம் ஆர்ப்பாட்டத்தை மேற்கொண்டேபோதே பல்கலைக்கழக மாணவர்கள் கைதுசெய்யப்பட்டனர்.

களனி பல்கலைக்கழக மாணவர்கள் 28 பேரும், வயம்ப பல்கலைக்கழகத்தை சேர்ந்த 03 மாணவர்களும்,  திறந்த பல்கலைக்கழக மாணவர் ஒருவரும், சப்ரகமுவ பல்கலைக்கழகத்தின்   முன்னாள் தலைவரும், செயலாளரும், பிக்குகள் ஒன்றியத்தின்  ஒருங்கிணைப்பாளரும், ஜெயவர்தனபுர பல்கலைக்கழக   மாணவர்கள் 11 பேரும், ருஹூனு பல்கலைக்கழக மாணவர்கள்  ஐவரும் உள்ளடங்கலாக 52  மாணவர்களே  இவ்வாறு  கைது  செய்யப்பட்டிருந்தமை குறிப்பிடத்தக்கது.