தவறவிடாதீர்கள்..!உடனே பதிவு செய்யுங்கள்

(நா.தனுஜா)

பெருந்தோட்டத் தொழிலாளர்கள் இன்றளவில் பெற்றுவரும் மிகச்சொற்ப வருமானத்திற்குப் பதிலாக தமது குடும்பத்தை சிறப்பாகக் கொண்டு நடத்தக்கூடிய நியாயமான ஊதியத்தை பெற்றுக்கொடுப்பதற்கு நடவடிக்கை எடுப்பேன் என்று புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாச உறுதியளித்திருக்கிறார்.

ஹப்புத்தளை நகரில் நேற்று இடம்பெற்ற தேர்தல் பிரசாரக் கூட்டத்தில் உரையாற்றும் போதே அவர் இவ்வாறு குறிப்பிட்டார். 

பெருந்தோட்ட மக்களுக்கான குடியுரிமையைப் பெற்றுக்கொடுப்பதற்கு நாட்டின் தலைவர் என்ற வகையில் என்னுடைய தந்தையான ரணசிங்க பிரேமதாஸவே பெரும் தலைமைத்துவத்தை வழங்கி அதனைப் பெற்றுக்கொடுத்தார் என்பது அனைவரும் அறிந்த விடயமாகும்.

அதேபோன்று எமது நாட்டின் மிளகு உற்பத்தியாளர்களைப் பாதுகாக்கும் வகையில் நான் ஜனாதிபதியாகத் தெரிவான மறுநாளிலிருந்து மிளகு மீள்ஏற்றுமதியை முழுமையாகத் தடை செய்வதற்கும் நடவடிக்கை எடுப்பேன் என்றும் அவர் இதன்போது கூறினார்.