தவறவிடாதீர்கள்..!உடனே பதிவு செய்யுங்கள்

இலங்கை ரோல் பந்து சம்மேளனத்தின் நான்காவது வருடாந்த தேசிய விளையாட்டு போட்டிகள் மன்னார் புனித சவேரியார் ஆண்கள் கல்லூரியின் ரோல் பந்து மைதானத்தில்  நேற்யை தினம் இடம்பெற்றன.

இந்நிகழ்வில் பிரதம விருந்தினர்களாக ரோல் பந்து சம்மேளனத்தின் தலைவர் திரு.வி.ஜனகன், மன்னார் மாவட்ட செயலகத்தின் பிரதான கணக்காளர்  ஆ.செல்வரெட்ணம் , புனித சவேரியார் ஆண்கள் கல்லூரியின் முன்னாள் அதிபர் அருட்சகோதரர் அகஸ்ரின் , டெக்னோ மீடியா கனடாவின் இலங்கை இணைப்பாளர்  தங்கேஸ்வரன்  ATIS இன் இணைப்பாளர் மோகன்குரூஸ், சப்ரகமுவ பல்கலைக்கழக உடற்கல்வி விரிவுரையாளர் ஜேகனேந்திரன் , மன்னார் மாவட்ட விளையாட்டு உத்தியோகத்தர் லெம்பேட், மன்னார் மாவட்ட விளையாட்டு இணைப்பாளர் ஜஸ்மின், இலங்கை ரோல் பந்து ஸ்தாபகரும் இலங்கை ரோல்பந்து சம்மேளனத்தின் பொதுச்செயலாளர் பா.தவேந்திரன் , இலங்கை ரோல்பந்து சம்மேளனத்தின் உபதலைவர் நெவில் பிரேந்திரா  ஆகியோர் கலந்து கொண்டனர்.

மன்னார் மாவட்ட ரோல்பந்து சங்கத்தின் ஏற்பாட்டில் நடைபெற்ற  இப் போட்டியில் பத்திற்கும் மேற்பட்ட அணிகள் பங்கு பற்றியமை குறிப்பிடத்தக்கது.

இவ் அணிகளில் 14 வயதின் கீழ் 17 வயதின் கீழ் 17 வயதின் மேல் ஆகிய வயது பிரிவுகளின் அடிப்படையில் ஆண், பெண் இருபால் அணியினரும் கலந்து கொண்டனர்.

காலை முதல் மாலை வரை இடம்பெற்ற போட்டிகளில்

17 வயதிற்கு மேற்பட்ட ஆண்கள் பிரிவில் முதலாமிடத்தை கொழும்பு மாவட்ட அணியும் 2 ஆம் இடத்தை மன்னார் மாவட்ட அணியும் 3 ஆம் இடத்தை கிளிநொச்சி மாவட்ட அணியும் பெற்றுக்கொண்டன.

17 வயதிற்கு மேற்பட்ட பெண்கள் பிரிவில் முதலாமிடத்தை மன்னார் மாவட்ட அணியும் 2 ஆம் இடத்தை கிளிநொச்சி மாவட்ட அணியும் பெற்றுக்கொண்டன.

17 வயதிற்கு கீழ் ஆண்கள் பிரிவில் முதலாமிடத்தை மன்னார் மாவட்ட அணியும் 2 ஆம் இடத்தை யாழ்ப்பாண மாவட்ட அணியும் பெற்றுக்கொண்டன.

14 வயதிற்கு கீழ் ஆண்கள் பிரிவில் முதலாமிடத்தை யாழ்.மாவட்ட அணியும் 2 ஆம் இடத்தை மன்னார் மாவட்ட அணியும் பெற்றுக்கொண்டமை குறிப்பிடத்தக்கது.