தவறவிடாதீர்கள்..!உடனே பதிவு செய்யுங்கள்

பான்பசிக் பகிரங்க டென்னிஸ் தொடரில் ஜப்பான் வீராங்கனையான ஒசாகா நவோமி சம்பின் ஆகியுள்ளார்.

பான்பசிபிக் பகிரங்க டென்னிஸ் போட்டி ஜப்பானில் உள்ள ஒசாகா நகரில் நடந்தது. 

இதில் நேற்று நடந்த பெண்கள் ஒற்றையர் பிரிவு இறுதிப்போட்டியில் உலக தரவரிசையில் 4 வது இடத்தில் இருக்கும் ஜப்பான் வீராங்கனை நவோமி ஒசாகா, 41 ஆம் நிலை வீராங்கனையான ரஷ்யாவின் அனஸ்டாசியா பாவ்லிசென்கோவாவை எதிர்கொண்டார்.

சுமார் 69 நிமிடம் இடம்பெற்ற இந்த ஆட்டத்தில் நவோமி ஒசாகா 6-2, 6-3 என்ற நேர்செட்டில் பாவ்லிசென்கோவாவை தோற்கடித்து சாம்பியன் பட்டத்தை கைப்பற்றினார். 

2016, 2018 ஆம் ஆண்டுகளில் இந்த போட்டியில் 2 ஆவது இடம் பிடித்த நவோமி ஒசாகா சொந்த மண்ணில் முதல்முறையாக பட்டத்தை வென்றுள்ளார். 

இந்த ஆண்டில் நவோமி ஒசாகா வென்ற 2-வது பட்டம் இதுவாகும். இந்த ஆண்டு தொடக்கத்தில் நடந்த அவுஸ்திரேலிய ஓபனில் பட்டம் வெற்றி பெற்றிருந்தமை குறிப்பிடத்தக்கது.